உலகளவில் மைக்ரோசாப்ட் தொழில்நுட்ப கோளாறு: மும்பை, டெல்லி விமான நிலையங்களில் செக்-இன் சேவைகள் பாதிப்பு
மைக்ரோசாப்டின் கிளவுட் சேவைகளில் ஏற்பட்ட பெரும் இடையூறு, இந்தியா உட்பட உலகம் முழுவதும் விமானங்கள் ரத்து மற்றும் தாமதங்களை ஏற்படுத்தியது. இந்த செயலிழப்பு பல விமான சேவைகளை பாதித்தது. அதோடு, விமானங்களை தரையிறங்குவது விமான நிலையங்களில் விமான நடவடிக்கைகளை பாதித்தது. குறிப்பாக டெல்லி மற்றும் மும்பை விமான நிலையங்களில் இண்டிகோ, ஸ்பைஸ் ஜெட், ஆகாசா போன்ற விமானங்களின் செக்-இன் சேவைகள் பாதிக்கப்பட்டன. இதனைத்தொடர்ந்து இந்த சேவைகள் மேனுவலாக நடத்தப்பட்டதாக விமான நிறுவனங்கள் தெரிவித்தன. இதேபோல ஆஸ்திரேலியா போன்ற நாடுகளில் வங்கி சேவைகளும் பாதிக்கப்பட்டதாக BBC செய்தி வெளியிட்டுள்ளது.
உலகம் முழுவதும் முடங்கிய விண்டோஸ் 10
உலகளவில் Windows 10 பயனர்கள் புதிய Crowdstrike அப்டேட் காரணமாக பெரும் செயலிழப்பை எதிர்கொண்டுள்ளனர். இதனால் அதை பயன்படுத்தும் பயனர்களின் லேப்டாப்களில் ரெகவரி ஸ்க்ரீன் தோன்றுகிறது. சமூக ஊடகங்களில் பல பயனர்கள் தங்களுடைய ஸ்க்ரீனில் புகைப்படங்களைப் பகிர்ந்த போது தான் உலகம் முழுவதும் இந்த முடக்கம் ஏற்பட்டது தெரிய வந்தது. "விண்டோஸ் சரியாக லோட் செய்யப்படவில்லை போல் தெரிகிறது. நீங்கள் ரீஸ்டார்ட் செய்து மீண்டும் முயற்சிக்க விரும்பினால், கீழே my PC-யில் ரீஸ்டார்ட்டை என் தேர்வு செய்யவும்" என ரெகவரி ஸ்க்ரீனில் எச்சரிக்கை வாக்கியம் தோன்றுகிறது. USல் உள்ள வங்கி நிறுவனங்கள், பல்பொருள் அங்காடிகள் மற்றும் மீடியா நிறுவனங்கள் ஆகியவற்றிலும் இந்த பிழை செய்திகளைப் பார்த்ததாக பயனர்கள் தெரிவித்தனர்.