வாட்ஸ்அப் சேனல் முடக்கத்தை எதிர்த்து மேம்முறையீடு செய்ய புதிய வசதியை சோதனை செய்து வரும் வாட்ஸ்அப்
செய்தி முன்னோட்டம்
வாட்ஸ்அப் நிறுவனத்தின் கொள்கைகள் மற்றும் விதிமுறைகளை மீறி உள்ளடக்கங்களைப் பகிரும் சேனல்களை முடக்கும் நடைமுறையையும் கொண்டிருக்கிறது வாட்ஸ்அப்.
அப்படி முடக்கப்பட்ட வாட்ஸ்அப் சேனல்களின் இடைநீக்கம் குறித்து அந்தச் சேனல்களின் உரிமையாளர்கள் மேல்முறையீடு செய்யும் வகையிலான புதிய வசதியானது, 2.23.25.10 என்ற வாடஸ்அப் பீட்டா வெர்ஷனில் சோதனைக்காக அறிமுகப்படுத்தப்பட்டிருக்கிறது.
தங்களுடைய வாட்ஸ்அப் சேனலானது ஏன் தவறான முறையில் முடக்கப்பட்டிருக்கலாம் என்ற காரணத்தைக் குறிப்பிட்டு வாட்ஸ்அப் நிறுவனத்திடம் சேனல் உரிமையாளர்கள் விண்ணப்பிக்கலாம்.
அதனை பரிசீலனை செய்து அந்தக் குறிப்பிட்ட வாட்ஸ்அப் சேனைலின் இடைநீக்கத்தை ரத்து செய்யலாமா வேண்டாமா என்பது குறித்து அந்நிறுவனம் முடிவு செய்யும் எனத் தெரிவிக்கப்பட்டுள்ளது.
வாட்ஸ்அப்
சேனல் உரிமையாளருக்கு நான்கு தேர்வுகள்:
வாட்ஸ்அப் நிறுவனத்திடம் மேல்முறையீட்டின் போது, தங்களது வாட்ஸ்அப் சேனல் ஏன் தவறாக இடைநீக்கம் செய்யப்பட்டிருக்கலாம் என்பது குறித்து தேர்வு செய்ய நான்கு காரணங்களை (புதிய அப்டேட்டில் கொடுக்கப்பட்டிருப்பதன் படி) முன்வைக்கிறது வாட்ஸ்அப்.
அதன்படி, 'தங்களது உள்ளடக்கம் தவறாக புரிந்து கொள்ளப்பட்டிருக்கிறது', 'நாங்கள் அனைத்து விதமான விதிமுறைகளையும் கடைப்பிடித்திருக்கிறோம்', 'இந்த விதமான உள்ளடக்கங்களை பகிர்ந்து கொள்வது குறித்து பரிசீலனை செய்யலாம்' மற்றும் 'தங்களுடைய சேனல் முடக்கப்பட்டிருக்கக் கூடாது' என்கிற ரீதியில் உள்ள நான்கு தேர்வுகளில் ஏதேனும் ஒன்றை தேர்வு செய்யலாம்.
அதனடிப்படையில் குறிப்பிட்ட வாட்ஸ்அப் சேனலின் முடக்கம் குறித்த சரியான முடிவை தங்களால் எடுக்க முடியும் எனக் குறிப்பிட்டிருக்கிறது அந்நிறுவனம். விரைவில் அனைத்து பயனாளர்களின் பயன்பாட்டிற்கும் இந்த வசதி அறிமுகப்படுத்தப்படவிருக்கிறது.