என்னது! சாப்பிடும் காளான்களை பயன்படுத்தி லேப்டாப் சார்ஜ் செய்யலாமா? விஞ்ஞானிகளின் அசத்தல் கண்டுபிடிப்பு
செய்தி முன்னோட்டம்
சமையலறையில் பொதுவாகக் காணப்படும் சிட்டாகி காளான்கள் (Shiitake Mushroom), அடுத்த தலைமுறைக் கணினிகளுக்கு ஆற்றல் அளிக்கும் ஒரு புதுமையான மாற்றுப் பொருளாக மாறியுள்ளதாக ஆராய்ச்சியாளர்கள் கண்டறிந்துள்ளனர். மனித மூளை தகவல்களைக் கடத்தும் விதத்தைப் பிரதிபலிக்கும் நரம்பியல் கம்ப்யூட்டிங் (Neuromorphic Computing) துறையில் உள்ள விஞ்ஞானிகள், மேம்பட்ட சிப்களில் (advanced chips) பயன்படுத்தப்படும் ரேர் எர்த் பொருட்களுக்குப் பதிலாக, காளான்களைப் பயன்படுத்தி குறைந்த செலவில், நிலையான மாற்றுப் பொருளாக மாற்றியுள்ளனர். இந்த நரம்பியல் அமைப்புகள், உயிரியல் சினாப்ஸ்கள் (Synapses) போல் செயல்படும் மெம்ரிஸ்டர்களை (Memristors) நம்பியுள்ளன. இவை மிகக் குறைந்த ஆற்றலைச் செலவழிக்கும் அதே வேளையில் தரவைச் சேமித்துச் செயலாக்கும் திறன் கொண்டவை. ஆனால், வழக்கமான மெம்ரிஸ்டர்கள் விலையுயர்ந்த செமிகண்டக்டர் பொருட்களால் உருவாக்கப்படுகின்றன.
பூஞ்சை மெம்ரிஸ்டர்
காளான் நெட்வொர்க்கை ஒருங்கிணைத்து பூஞ்சை மெம்ரிஸ்டர் தயாரிப்பு
இதற்கு மாறாக, ஆராய்ச்சியாளர்கள் மின்முனைகளை (electrodes) ஒரு காளான் வலையமைப்புடன் ஒருங்கிணைத்து, பூஞ்சை மெம்ரிஸ்டர்களை உருவாக்கியுள்ளனர். ஆச்சரியப்படும் விதமாக, இந்தப் பூஞ்சை மெம்ரிஸ்டர்கள் 5.85 kHz வரையிலான அதிர்வெண்களில் 90% துல்லியத்தைத் தக்க வைத்துக் கொண்டன. இது ஆரம்பகால சிலிகான் அடிப்படையிலான புரோட்டோடைப்களுக்குச் சமமாக உள்ளது. தொழில்நுட்பம் வளர்ந்து வரும் நிலையில், இந்தப் பூஞ்சை கம்ப்யூட்டிங் மின்னணு கழிவுகளைக் கணிசமாகக் குறைக்கும். ஏனெனில், சிட்டாகி காளான் அடிப்படையிலான சில்லுகள், கரிமப் பொருட்களிலிருந்து வளர்க்கப்படுவதால், உயிரியல் ரீதியாகச் சிதைவடையும் (biodegradable) திறன் கொண்டவை. தொழில்நுட்பத்தைச் சுற்றுச்சூழலுக்கு உகந்ததாக மாற்ற வேண்டிய கட்டாயம் அதிகரித்து வரும் நிலையில், எதிர்காலத்தில் இந்தக் காளான்கள் உங்கள் லேப்டாப் அல்லது ஒரு ஏஐ அமைப்பை இயக்க உதவக்கூடும்.