ட்விட்டருக்குப் போட்டியாக புதிய செயலியை உருவாக்கி வரும் மெட்டா
செய்தி முன்னோட்டம்
ட்விட்டர் தளத்தின் மீது பயனர்களின் நம்பிக்கையானது நாளுக்கு நாள் குறைந்து கொண்ட வருகிறது. தங்கள் தளத்தில் உள்ள அனைத்து வசதிகளையும் கொஞ்சம் கொஞ்சமாக கட்டண சேவைக்குள் கொண்டு சென்று கொண்டிருக்கிறது ட்விட்டர்.
எலான் மஸ்க் கைப்பற்றிய பிறகு அந்நிறுவனத்தின் மதிப்பும் குறைந்து வருவதைக் குறிக்கும் வகையில், அந்நிறுவனத்தில் தங்களுடைய முதலீட்டின் மதிப்பை அவ்வப்போது குறைத்து வருகிறது ஃபிடெலிட்டி என்ற மியூச்சுவல் ஃபண்டு நிறுவனம்.
இந்நிலையில், ட்விட்டருக்கு மாற்றாக புதிய செயலி ஒன்றை உருவாக்கி வருகிறது மெட்டா. 'புராஜெக்ட் 92' என பெயரிடப்பட்ட திட்டத்தின் கீழ் இந்த புதிய செயலியை உருவாக்கி வருகிறது மெட்டா. கிட்டத்தட்ட ட்விட்டரின் நகலாகே, மெட்டாவின் புதிய ட்விட்டார் போலான செயலி இருப்பதாகக் கூறப்படுகிறது.
மெட்டா
மெட்டாவின் ட்விட்டர்:
மெட்டாவின் பணியாளர்களுக்கு மட்டும் இந்த புதிய செயலியின் ப்ரீவ்யூ ஒன்று காட்டப்பட்டிருக்கிறது. வாட்ஸ்அப், இன்ஸ்டாகிராம் போல மெட்டாவின் கீழ் செயல்படும் தனிப்பட்ட செயலியாக இந்த புதிய செயலியை உருவாக்கப்பட்டு வருகிறது.
மேலும், இன்ஸ்டாகிராம் மற்றும் ஃபேஸ்புக் கணக்கைக் கொண்டே இந்த புதிய தளத்திலும் உள்நுழையும் வசதியை இந்தத் தளத்திலும் அளிக்கவிருக்கிறது மெட்டா.
இந்தப் புதிய செயலியை ஓப்ரா வின்ஃப்ரே மற்றும் தலாய்லாமா உள்ளிட்ட முக்கிய நபர்களைப் பயன்படுத்த வைக்கவும் முயற்சி செய்து வருகிறது மெட்டா.
இவர்களின் மூலம் மற்ற பயனர்களையும் தங்களுடைய தளத்திற்கு ஈர்க்க முடியும் எனத் திட்டமிட்டு வருகிறது அந்நிறுவனம்.
ட்விட்டரில் கொடுக்கப்படும் வசதிகளைத் தவிர்த்து வேறு என்ன வசதிகளை மெட்டாவின் செயலி வழங்கவிருக்கிறது என்பதைப் பொருத்திருந்து தான் பார்க்க வேண்டும்.