சாட்ஜிபிடி vs பார்டு.. என்ன வித்தியாசம்? - பகுதி 1
சாட்ஜிபிடி vs பார்டு.. இரண்டு சாட்பாட்களையும் அந்தந்த நிறுவனங்கள் அறிமுகப்படுத்தியதில் இருந்த இரண்டுக்கு என்ன வித்தியாசம் என்ற கேள்வி இருந்து கொண்டே இருக்கிறது. ஆனால், பார்டை பொதுப்பயனர்களின் பயன்பாட்டிற்கு கூகுள் வெளியிடாததால், சாட்ஜிபிடியின் கையே மேலோங்கியிருந்தது. தற்போது பார்டை அனைத்துப் பயனர்களுக்கு வெளியிட்டுவிட்டது கூகுள். இந்த இரண்டுக்கும் என்ன வித்தியாசம்? சாட்ஜிபிடியில் இல்லாதது பார்டில் என்ன இருக்கிறது? பார்க்கலாம். இணைய அணுகல்: சாட்ஜிபிடி தன்னுடைய தகவல் தளத்தில் உள்ள தகவல்களைக் கொண்டு மட்டுமே பயனர்களின் கேள்விக்குப் பதிலளிக்கும். இணையத்தை அணுகும் வசதி சாட்ஜிபிடியில் இல்லை. ஆனால், கூகுளின் பார்டானது இணையத்தை அணுகி அதிலிருக்கும் தகவல்களைக் கொண்டு பயனர்களின் கேள்விக்குப் பதிலளிக்கும் திறனைக் கொண்டிருக்கிறது. இந்த இடத்தில் பார்டின் கையே மேலோங்குகிறது.
ஸ்மார்ட்போனிலும் பார்டு:
சாட்ஜிபிடியை ப்ரௌசர் மூலம் மட்டுமே அணுக முடியும். அதற்கென தனி மொபைல் வெர்ஷன் கிடையாது. பார்டுக்கும் மொபைல் வெர்ஷனை கூகுள் வெளியிடவில்லை. ஆனால், கூகுளின் பிற சேவைகளில் பார்டை ஒருங்கிணைக்க முடிவு செய்திருக்கிறது அந்நிறுவனம். இதன்மூலம் பார்டை ஸ்மார்ட்போனிலும் நம்மால் பயன்படுத்த முடியும். புகைப்படத்தோடு பதிலளிக்கும் வசதி: சாட்ஜிபிடியிடம் கேட்கப்படும் கேள்விகளுக்கு எழுத்து மூலம் மட்டுமே பதிலளிக்கும். புகைப்படங்களுக்கென தனி சேவையை வைத்திருக்கிறது ஓபன்ஏஐ. ஆனால், பார்டு சாட்பாட்டானது கேள்விகளுக்கு புகைப்படங்கலுடன் பதிலளிக்கு திறனைக் கொண்டிருப்பதாகத் தெரிவித்திருக்கிறது கூகுள். புகைப்பட வகையில் கேள்வி: சாட்ஜிபிடியில் எழுத்து வகையில் மட்டுமே கேள்விகளைக் கேட்க முடியும். ஆனால், பார்டில் புகைப்படத்தை அப்லோடு செய்து அது குறித்த கேள்விகளைக் கேட்டு பதில் பெற முடியும்.
