ஆதித்யா L1 கவுண்ட் டவுன் துவக்கம்
இந்திய விண்வெளி ஆராய்ச்சி நிறுவனம் (இஸ்ரோ), சூரியனை நோக்கி தனது முதல் விண்வெளி பயணத்தை ஆதித்யா L1 மூலம் செயல்படுத்தவுள்ளது. இதற்கான விண்கலம், நாளை, செப்டம்பர் 2 -ஆம் தேதி, காலை 11.50 மணிக்கு ஆந்திராவின் ஸ்ரீஹரிகோட்டாவிலிருந்து விண்ணில் ஏவப்படவுள்ளது. சந்திரயான் 3 வெற்றிக்கு பிறகு, இந்த விண்கலம் ஏவப்படவுள்ளதால், பலரும் மிகுந்த எதிர்பார்ப்புடன் உள்ளனர். இந்நிலையில், இந்த விண்கலத்தின் மாதிரியை, இஸ்ரோ விஞ்ஞானிகள், இன்று அதிகாலை திருப்பதிக்கு எடுத்து சென்று வேண்டுதல்களை வைத்தனர். தொடர்ந்து சற்று நேரத்திற்கு முன்னர், ஆதித்யா L1 -இன் கவுண்ட் டவுன் துவங்கியதாக இஸ்ரோ தனது அதிகாரப்பூர்வ X கணக்கில் குறிப்பிட்டுள்ளது.
