காதலர் தினம் ஸ்பெஷல்: காதலர் தினத்தின் வரலாறும் அதன் முக்கியத்துவமும் அறிந்துகொள்வோம்
உலகம் முழுவதும், ஆண்டுதோறும், காதலர்களுக்கான தினமாக இந்த பிப்ரவரி 14 அன்று, கொண்டாடி வருகின்றனர். இந்நாளில், இந்த வேலண்டைன்ஸ் டே பற்றிய வரலாறும், அதன் முக்கியத்துவத்தையும் பற்றிய சில தகவல்கள் இதோ: செய்திகளின் படி, 14ஆம் நூற்றாண்டு வரை, வேலண்டைன்ஸ் டே என்பது காதல் நாளாகக் கொண்டாடப்படவில்லை என்று கூறப்படுகிறது. 8ஆம் நூற்றாண்டின், கெலாசியன் சாக்ரமெண்டரி என்ற அமைப்பு, பிப்ரவரி 14ஐ செயிண்ட் வாலண்டைன் பண்டிகை என பதிவு செய்தது. பின்னர், 14 மற்றும் 15ஆம் நூற்றாண்டுகளில், இந்த நாள், அன்புடன் தொடர்புடைய நாளாக மாறியது. அதற்கு காரணம், இந்த மாதம் வசந்த காலத்தின் துவக்கமாக இருந்தது, அதனால், பறவைகள், குறிப்பாக "லவ்பேர்ட்ஸ்" தன் இணையுடன் காதல் செய்யும் காலமாக இது மாறியது.
காதலர் தின வரலாறு
காதலர் தினத்தின் தோற்றத்திற்குப் பின்னால் பல கதைகள் உள்ளன. பிப்ரவரியில் நடைபெற்ற ரோமானிய திருவிழாவான லூபர்காலியாவில் இருந்து தோன்றியது. வசந்த காலத்தின் துவக்கத்தின் போது கொண்டாடப்படும் இந்த திருவிழாவில், பெண்கள் ஆண்களுடன், லாட்டரி மூலம் ஜோடியாக இணைக்கப்பட்டனர். போப் கெலாசியஸ் I , இந்த பண்டிகையை புனித காதலர் தினமாக மாற்றியதாக நம்பப்படுகிறது. 14ஆம் நூற்றாண்டில் இருந்து, இது ஒரு காதல் திருநாளாக கொண்டாடப்பட்டு வருகிறது என்றும் கூறப்படுகிறது. ரோமானிய நகரில், ஆண்களை போருக்கு செல்லாமல் காப்பதற்காக, அவர்களுக்கு ரகசிய திருமணம் செய்து வைத்த குற்றத்திற்காக, இரண்டாம் கிளாடியஸால் தூக்கிலிடப்பட்ட வேலண்டைன் என்ற பாதிரியாரின் நினைவாக, இந்நாளை கொண்டாட துவங்கினர் என்றும் கூறப்படுகிறது.
