Confession Day 2023: காதலர் எதிர்ப்பு வாரத்தின் ஐந்தாம் நாள் இன்று; அதன் முக்கியத்துவம் பற்றி தெரிந்துகொள்க
செய்தி முன்னோட்டம்
காதலர் தினத்துடன் முடிவடைந்த காதலர் வாரம் முழுவதும் காதலர்களுக்கு அர்பணிக்கப்பட்டது போல, பிப்ரவரி 14, காதலர் தினத்திற்குப் பிறகு வரும் ஒரு வாரம் முழுவதும் மக்கள்,காதலர் எதிர்ப்பு தினமாக கொண்டாடுகிறார்கள். இந்த வாரம், காதலில் தோல்வியுற்றவர்கள், சிங்கிள்கள், பிரிந்த காதலர்கள், தங்கள் கடந்த கால கசப்புகளை மறக்கும் விதமாக கொண்டாடுகிறார்கள்.
இது ஸ்லாப் டே(Slap day) தொடங்கி, பிப்ரவரி 21 அன்று பிரேக்அப் டேயுடன் முடிவடைகிறது.
இடையில் கிக் டே(Kick day), பெர்ஃப்யூம் டே(Perfume day), ஃப்ளர்ட் டே(Flirt day) , கன்ஃபெஷன் டே (Confession day), மிஸ்ஸிங் டே(missing day) என்று கொண்டாடப்படுகிறது.
இன்று பிப்ரவரி 19, கன்பெஷன் டே (Confession day) என கொண்டாடுகிறார்கள்.
காதலர் தினம்
கன்பெஷன் டேயின் முக்கியத்துவம்
கன்பெஷன் டே அன்று உங்கள் மனதில் இருக்கும் வெளிப்படுத்த முடியாத உணர்வுகளை எல்லாம், இன்று வெளிப்படுத்துவதற்கான நாள். கன்பெஷன் டே அன்று தரப்படும் ஒப்புதல் வாக்குமூலங்கள், உறுதியானதாகவும், எதிர்மறையாகவும் இருக்கலாம். இவை அனைத்தும் உங்களைப் பொறுத்தது.
ஒப்புதல் நாள் என்பது உங்கள் தற்போதைய உறவு நிலை மற்றும் உங்கள் மனதில் இருக்கும் உணர்வுகளைப் பற்றி, நீங்கள் வெளிப்படையாக ஒப்புக்கொள்கிறீர்கள் என்று அர்த்தம்.
உங்கள் காதலை ஒப்புக்கொள்வது ஒரு பெரிய சவால் என்றால்,அதை விட கடினமானது, நீங்கள் உங்கள் காதல் வாழ்க்கையில் மகிழ்ச்சியாக இல்லை என்று ஒப்புக்கொள்வது.
உங்கள் உறவில் வலிகளும், கவலைகளும் நிறைந்து இருந்தால், அதை வெளிப்படையாக ஒப்புக்கொண்டு, அதை நிவர்த்தி செய்ய முயற்சிக்கலாம், அல்லது அதில் இருந்து சுமூகமாக வெளி வரலாம்.