ஜோஷிமத் தீர்வுத் திட்டத்தைச் சமர்பித்தனர் உத்தரகாண்டின் சாமோலி அதிகாரிகள்
சாமோலி மாவட்ட நீதிபதி ஹிமான்ஷு குரானா நேற்று(ஜன 30) புதைந்து கொண்டிருக்கும் ஜோஷிமத்தில் இடம்பெயரும் மக்களை குடியேற்ற மூன்று வழிகளை பரிந்துரைத்ததாக அதிகாரிகள் தெரிவித்துள்ளனர். ஜோஷிமத் தீர்வுத் திட்டத்தில் பணிபுரியும் குழுவின் தலைவரான குரானா, கூடுதல் தலைமைச் செயலாளர் ஆனந்த் வர்தன் தலைமையிலான உயர் அதிகாரக் குழுவிடம் தனது பரிந்துரைகளை சமர்ப்பித்திருக்கிறார். இந்தப் பரிந்துரையில் குறிப்பிடப்பட்டிருக்கும் 3 தீர்வுகளை கீழே காணலாம்: முதல் தீர்வு பாதிக்கப்பட்ட நிலம்/கட்டிட உரிமையாளர்களுக்கு நிதி உதவி வழங்குவது. இதன் மூலம், அவர்களுக்கு நிர்ணயிக்கப்பட்ட விதிமுறைகளின்படி சேதமடைந்த நிலம் அல்லது கட்டிடங்களுக்கு இழப்பீடு வழங்கப்படும். ஆனால், அவர்கள் முழுமையான இழப்பீட்டை பெறுவதற்கு முன், அவர்களின் நிலம்/கட்டிடம் மாநில அரசுக்கு ஆதரவாக பதிவு செய்யப்பட வேண்டும்.
இரண்டாவது மற்றும் மூன்றாவது தீர்வுகள்
இரண்டாம் தீர்வு பாதிக்கப்பட்ட சொத்தின் உரிமையாளர்களுக்கு அதிகபட்சமாக 100 சதுர மீட்டர் பரப்பளவு கொண்ட நிலம், வீடு கட்டுவதற்கும் பாதிக்கப்பட்ட கட்டிடத்திற்கு இழப்பீடு வழங்குவதற்கும் வழங்கப்படும். 100 சதுர மீட்டருக்கு மேல் நிலம் இருந்தால், பாதிக்கப்பட்ட நில உரிமையாளர்களுக்கு விதிமுறைகளின்படி மீதமுள்ள நிலத்திற்கு பணம் வழங்கப்படும். ஆனால், அவர்கள் இந்த 100 சதுர மீட்டர் நிலத்தை பெறுவதற்கு முன், அவர்களின் நிலம்/கட்டிடம் மாநில அரசுக்கு ஆதரவாக பதிவு செய்யப்பட வேண்டும். மூன்றாம் தீர்வு பாதிக்கப்பட்டவர்களின் மறுவாழ்வுக்காக அடையாளம் காணப்பட்ட இடத்தில் அதிகபட்சமாக 75 சதுர மீட்டர் பரப்பளவில் ஒரு கட்டிடம் கட்டப்படும். அவர்களின் சொத்தை விட வழங்கப்படும் கட்டிடம் குறைவான மதிப்பை கொண்டிருந்தால். மீதமுள்ள சொத்து மதிப்பிற்கு இழப்பீடு பணமாக வழங்கப்படும்.
