அமைச்சர் செந்தில் பாலாஜி உடல்நிலையினை நேரில் கேட்டறிந்தார் தமிழக முதல்வர் - அமைச்சரின் மனைவி கொடுத்த மனு ஏற்பு
செய்தி முன்னோட்டம்
தமிழ்நாடு மாநில மதுவிலக்கு ஆயத்தீர்வை மற்றும் மின்சாரத்துறை அமைச்சரான செந்தில் பாலாஜிக்கு சொந்தமான இடங்களில் நேற்று(ஜூன்.,13) காலை முதல் அமலாக்கத்துறையினர் தொடர்ந்து சோதனை நடத்தினர்.
கிட்டத்தட்ட 17 மணிநேரம், நள்ளிரவு வரை தொடர்ந்த இந்த சோதனைக்கு பிறகு அதிகாரிகள், செந்தில் பாலாஜியை கைது செய்து விசாரணைக்காக சென்னை நுங்கம்பாக்கத்தில் உள்ள அமலாக்கத்துறை அலுவலகத்திற்கு அழைத்து சென்றுள்ளனர்.
அப்போது அவருக்கு பாதி வழியிலேயே நெஞ்சுவலி ஏற்பட்ட காரணத்தினால் ஓமந்தூரார் மருத்துவமனையில் அனுமதிக்கப்பட்டார்.
தீவிர சிகிச்சை பிரிவில் அனுமதிக்கப்பட்டுள்ள அவருக்கு ஆஞ்சியோகிராம் செய்ய மருத்துவர்கள் அறிவுறுத்தியுள்ளதாக தெரிவிக்கப்பட்டுள்ளது.
மனு ஏற்பு
இன்று மதியம் விசாரணை நடக்கும் என அறிவிப்பு
இருதய துடிப்பில் மாறுபாடு இருந்த காரணத்தினால் ரத்த நாளத்தில் அடைப்பு உள்ளதா என்பதை சோதிக்க மருத்துவர்கள் முடிவு செய்துள்ளார்கள் என்று தெரிகிறது.
இந்நிலையில், ஓமந்தூரார் மருத்துவமனையில் அனுமதிக்கப்பட்டுள்ள செந்தில் பாலாஜியினை முதல்வர் மு.க.ஸ்டாலின் நேரில் சந்தித்து உடல்நிலை குறித்து கேட்டறிந்து ஆறுதல் கூறினார்.
முதல்வருடன் அமைச்சர்கள், எம்.பி.க்கள் உள்ளிட்டோரும் செந்தில் பாலாஜி அவர்களை சந்தித்து ஆறுதல் கூறினர்.
இதனிடையே, அமைச்சரின் மனைவி சென்னை உயர்நீதிமன்றத்தில் ஆட்கொணர்வு மனு ஒன்றினை தொடர்ந்திருந்தார்.
இந்த மனுவானது தற்போது விசாரணைக்கு ஏற்கப்பட்டுள்ளது என்று தெரிவிக்கப்பட்டுள்ளது.
மனுதாக்கல் நடைமுறைகள் முடியும் பட்சத்தில், பிற்பகல் 2.15 மணிக்கு விசாரணை நடக்கும் என நீதிபதிகள் அறிவித்துள்ளனர் என்பது குறிப்பிடத்தக்கது.