
சிவகாசி பட்டாசு ஆலை வெடிவிபத்து - உரிமையாளர் உள்பட 3 பேர் மீது வழக்குப்பதிவு
செய்தி முன்னோட்டம்
விருதுநகர் மாவட்டம் சிவகாசியில் உள்ள பள்ளப்பட்டி பகுதியினை சேர்ந்த கடற்கரை என்பவர் காளையார்குறிச்சி, ஊராம்பட்டி என்னும் கிராமத்தில் சொந்தமாக ஒரு பட்டாசு ஆலையினை நடத்தி வருகிறார்.
20க்கும் மேற்பட்ட அறைகள் கொண்ட இந்த ஆலையில் சுற்றுவட்டார பகுதிகளில் உள்ள பெண்கள் உள்பட 30க்கும் மேற்பட்டோர் பணியாற்றி வந்துள்ளனர்.
இந்நிலையில் இந்த ஆலையில் கடந்த 18ம்தேதி தொழிலாளர்கள் அனைவரும் பணியில் ஈடுபட்டிருந்தப்பொழுது, அதிக வெப்பம் காரணமாக மருந்துகள் உராய்வு ஏற்பட்டு திடீரென தீ பற்றியுள்ளது.
கண் இமைக்கும் நேரத்தில் அந்த தீயானது அங்கிருந்த பட்டாசுகளில் பட்டு பயங்கர சத்தத்துடன் வெடிக்க துவங்கியது.
இந்த விபத்தில் ஒரே அறையில் பணியாற்றி கொண்டிருந்த இருளாயி(48), குமரேசன்(30), அய்யம்மாள்(54), சுந்தர்ராஜ்(27) ஆகியோர் உடல் கருகி உயிருக்கு போராடி கொண்டிருந்தனர்.
மீட்பு
ஆலையின் மேற்பார்வையாளர் கைது
இது குறித்து தகவலறிந்து தீயணைப்பு துறையினர் சம்பவயிடத்திற்கு வந்து தீயினை கட்டுக்குள் கொண்டு வந்தனர்.
மேலும் விபத்தில் சிக்கிய 4 பேரை மீட்டு சிவகாசி அரசு மருத்துவமனையில் சேர்த்ததாக தெரிகிறது.
எனினும் மருத்துவமனையில் சேர்த்த சிறிது நேரத்திலேயே அய்யம்மாள்(54), குமரேசன்(30) மற்றும் சுந்தர்ராஜ்(27) உள்ளிட்ட 3 பேரும் பரிதாபமாக உயிரிழந்தனர்.
இருளாயி(48) மட்டும் தீவிர சிகிச்சை பிரிவில் சிகிச்சை பெற்றுவருகிறார்.
இந்த சம்பவம் குறித்து மாரனேரி காவல்துறை விசாரித்ததையடுத்து, விபத்து நடந்த ஆலையின் உரிமையாளர் மாடசாமி, போர்மேன் முத்துக்கருப்பன் மற்றும் மேலாளர் முத்துக்குமார் உள்ளிட்ட 3 பேர் மீது வழக்குப்பதிவு செய்துள்ளார்கள்.
இதனை தொடர்ந்து, ஆலையின் மேற்பார்வையாளர் காளியப்பன்(40) என்பவரை காவல்துறையினர் கைது செய்துள்ளார்கள் என்பது குறிப்பிடத்தக்கது.