மல்லிகார்ஜுன் கார்கேவுக்கு பஞ்சாப் நீதிமன்றம் எதற்கு சம்மன் அனுப்பியது
செய்தி முன்னோட்டம்
ரூ.100 கோடி அவதூறு வழக்கில் காங்கிரஸ் கட்சியின் தலைவர் மல்லிகார்ஜுன் கார்கேவுக்கு பஞ்சாப் நீதிமன்றம் இன்று(மே 15) சம்மன் அனுப்பியுள்ளது. தடை செய்யப்பட்ட இஸ்லாமிய அமைப்பான பாப்புலர் ஃப்ரண்ட் ஆஃப் இந்தியாவை(PFI) பஜ்ரங் தளத்துடன் ஒப்பிட்டு பேசியதால் அவருக்கு எதிராக இந்த மனு தாக்கல் செய்யப்பட்டது. பஜ்ரங் தளம் என்பது விஸ்வ ஹிந்து பரிஷத் சங்கத்தின் இளைஞர் பிரிவாகும். இந்த சங்கம் பாஜகவுடன் நேரடி தொடர்புடைய RSS அமைப்பிற்கு மிக நெருக்கமான ஒரு சங்கமாகும். எனவே, கர்நாடக தேர்தல் பிரச்சாரத்தின் போது, பஜ்ரங் தளத்தை பாப்புலர் ஃப்ரண்ட் ஆஃப் இந்தியாவுடன்(PFI) ஒப்பிட்டு பேசியதால் மல்லிகார்ஜுன் கார்கேவுக்கு எதிராக பஞ்சாப் நீதிமன்றத்தில் மனு தாக்கல் செய்யப்பட்டது.
DETAILS
ஹிதேஷ் பரத்வாஜ் தாக்கல் செய்த மனுவின் அடிப்படையில் நீதிமன்ற விசாரணை நடந்தது
"பஜ்ரங் தளம் ஹிந்துஸ்தான்" என்ற அமைப்பின் தலைவரான ஹிதேஷ் பரத்வாஜ் அளித்த புகாரின் பேரில், பஞ்சாப்பின் சங்ரூர் மாவட்ட நீதிமன்றம் இந்த வழக்கை விசாரித்தது. சமீபத்தில் நடந்து முடிந்த கர்நாடக சட்டசபை தேர்தல் பிரச்சாரத்தின் போது, காங்கிரஸ் தனது தேர்தல் அறிக்கையில் பஜ்ரங் தளத்தை "சிமி மற்றும் அல்-கொய்தா போன்ற தேச விரோத அமைப்புகளுடன் ஒப்பிட்டது" என்று மனுதாரர் கூறியுள்ளார். காங்கிரஸ் தனது தேர்தல் அறிக்கையில், பஜ்ரங் தளம் போன்ற "பெரும்பான்மை அல்லது சிறுபான்மை சமூகத்தினரிடையே பகை அல்லது வெறுப்பை" ஊக்குவிக்கும் அமைப்புகளைத் தடை செய்வதாக உறுதியளித்திருந்தது என்பது குறிப்பிடத்தக்கது. மனுதாரரின் புகாரை விசாரித்த நீதிமன்றம், காங்கிரஸ் தேசிய தலைவர் மல்லிகார்ஜுன் கார்கேவுக்கு சம்மன் அனுப்பியுள்ளது.