மாணவர்களுக்கு நற்செய்தி! 1 முதல் 8ம் வகுப்பு மாணவர்கள் அனைவரும் தேர்ச்சி!
புதுச்சேரி மற்றும் காரைக்காலில் 1 முதல் 8 ஆம் வகுப்பு வரை படிக்கும் மாணவர்கள் தேர்ச்சி பெற்றதாக கல்வித்துறை அறிவித்துள்ளது. இதுகுறித்து பள்ளி கல்வித் துறை தெரிவிக்கையில், புதுச்சேரி மற்றும் காரைக்காலில் 1 ஆம் வகுப்பு முதல் 8 ஆம் வகுப்பு வரை பயிலும் மாணவர்கள் தேர்ச்சி பெற்றதாக அனைத்து பள்ளிகளும் அறிவிக்க வேண்டும் என அறிவித்துள்ளது. மேலும், 9 ஆம் வகுப்பு மாணவர்கள் அந்த ஆண்டில் ஒட்டுமொத்தமாக 35 மதிப்பெண் பெற்றிருந்தால் தேர்ச்சி பெற்றதாக அறிவிக்க வேண்டும் என்றும் கூறப்பட்டுள்ளது.
அனைத்து மாணவர்களும் தேர்ச்சி அறிவிப்பு
இதனடிப்படையில் தேர்ச்சி பட்டியலை தயாரிக்க பள்ளிகளுக்கு அறிவுறுத்தப்பட்டுள்ளது. 1 முதல் 9ஆம் வகுப்பு வரை மாணவர்கள் தேர்ச்சி பெற்ற பட்டியலை அனைத்து பள்ளி தலைவர்களும் கல்வித்துறைக்கு மே 8ஆம் தேதிக்குள் அனுப்ப வேண்டும். மேலும், ஏப்ரல் 20 முதல் புதுச்சேரி மற்றும் காரைக்காலில் கோடை விடுமுறை தொடங்கப்பட்டுள்ளது. மே மாதம் 31-ம் தேதி வரை கோடை விடுமுறை முடிந்து மீண்டும் ஜூன் 1 ஆம் தேதி மீண்டும் பள்ளிகள் தொடங்கும் என்பது குறிப்பிடத்தக்கது.
