முதுமலை யானைகள் முகாமில் மசினி யானை தாக்கி பாகன் உயிரிழப்பு
தமிழ்நாடு மாநிலம் முதுமலை பகுதியில் உள்ள யானைகள் வளர்ப்பு முகாமில் மசினி என்னும் யானை உள்ளது. இந்த யானையினை சி.எம்.பாலன் என்னும் பாகன் பராமரித்து வந்துள்ளார். இந்நிலையில் இன்று(ஏப்ரல்.,28) காலை வழக்கம் போல் அந்த மசினி யானைக்கு உணவளிக்க பாகன் அருகில் சென்றுள்ளார். அப்போது திடீரென அந்த யானை பாகனை தாக்கியுள்ளது. இதில் பலத்த காயம் ஏற்பட்டதையடுத்து பாகன் சி.எம்.பாலனை மருத்துவமனைக்கு அழைத்து சென்றுள்ளார்கள். ஆனால் அவர் போகும் வழியிலேயே பரிதாபமாக உயிரிழந்துள்ளார். கடந்த 2019ம் ஆண்டு சமயபுரம் கோயிலில் இருந்த பொழுதே இந்த மசினி யானையானது தனது பாகனை இதே போல் தாக்கி கொன்றுள்ளது. அதனால் தான் இந்த யானை இந்த வளர்ப்பு முகாமிற்கு அனுப்பிவைக்கப்பட்டது என்பது குறிப்பிடத்தக்கது.
