OYO நிறுவனரின் தந்தை 20வது மாடியில் இருந்து விழுந்து உயிரிழந்தார்
செய்தி முன்னோட்டம்
OYO ரூம்ஸ் நிறுவனர் ரித்தேஷ் அகர்வாலின் தந்தை ரமேஷ் அகர்வால் ஹரியானா மாநிலம் குருகிராமில் இன்று(மார் 10) மதியம் மாடியில் இருந்து தவறி விழுந்து உயிரிழந்ததாக போலீசார் தெரிவித்துள்ளனர். குருகிராமில் இருக்கும் செக்டார் 54ல் உள்ள DLF தி க்ரெஸ்ட் சொசைட்டியின் 20வது மாடியில் இருந்து ஒருவர் கீழே விழுந்ததாக மதியம் 1 மணியளவில் DLF பாதுகாப்பு அதிகாரிகளிடம் இருந்து காவலர்களுக்கு தகவல் கிடைத்தது. "அவர் சிகிச்சைக்காக பராஸ் மருத்துவமனைக்கு கொண்டு செல்லப்பட்டார். சம்பவம் நடந்த இடத்தை ஆய்வு செய்ததில், விழுந்த நபர் ரமேஷ் பர்சாத் அகர்வால் என அடையாளம் காணப்பட்டார். அவர் மருத்துவமனைக்கு செல்லும் வழியிலிலேயே உயிரிழந்தார்" என்று போலீஸார் கூறியுள்ளனர்.
இந்தியா
ரித்தேஷ் அகர்வால் திருமணத்தில் மசயோஷி சன்
அவரது உடல் பிரேத பரிசோதனைக்கு பின் குடும்பத்தினரிடம் ஒப்படைக்கப்பட்டது. சமீபத்தில் தான் உயிரிழந்தவரின் மகனும் OYO ரூம்ஸ் நிறுவனருமான ரித்தேஷ் அகர்வாலுக்கு திருமணம் நடைபெற்றது. மார்ச் 7ஆம் தேதி நடைபெற்ற இந்த திருமண வரவேற்பில் ரமேஷ் அகர்வாலும் கலந்து கொண்டார். திருமணம் செய்துகொண்ட ரித்தேஷ் அகர்வால் மற்றும் கீதன்ஷா சூட், மார்ச் 7 ஆம் தேதி டெல்லியில் உள்ள ஐந்து நட்சத்திர தாஜ் பேலஸ் ஹோட்டலில் உயர்மட்ட திருமண வரவேற்பு நிகழ்ச்சியை நடத்தினர். உலகின் தலைசிறந்த தொழில்நுட்ப தொழில்முனைவோர்களில் ஒருவரான ஜப்பானிய கோடீஸ்வரரும் சாப்ட் பேங்க் குழும நிறுவனருமான மசயோஷி சன் இந்த திருமணத்தில் கலந்து கொள்ள வந்திருந்ததால் இந்த நிகழ்வு பெரிதாக பேசப்பட்டது.