வடமாநில தொழிலாளர்களுக்கு எவ்வித அச்சுறுத்தலும் இல்லை - அமைச்சர் கணேசன்
செய்தி முன்னோட்டம்
தமிழகத்திற்கு வேலைக்கு வரும் வடமாநில தொழிலாளர்கள் தாக்கப்படுகிறார்கள் என்று வதந்திகள் அண்மை காலமாக பரவிவருகிறது.
இது தற்போது பெரும் அதிர்வலைகளை ஏற்படுத்தியுள்ள நிலையில், தமிழ்நாட்டில் வடமாநில தொழிலாளர்களுக்கு எந்தவித அச்சுறுத்தலும் இல்லை என்று தொழிலாளர் நலன் மற்றும் திறன் மேம்பாட்டுதுறை அமைச்சர் கணேசன் தெரிவித்துள்ளார்.
இதுகுறித்து அவர் வெளியிட்டுள்ள அறிக்கையில், தமிழகத்தில் மேம்பால கட்டுமானம், மெட்ரோ பணிகள் போன்ற பல பணிகளில் வடமாநில தொழிலாளர்கள் தங்களது உழைப்பினை அளித்து மாநிலத்தின் வளர்ச்சிக்கு பெரும் பங்கினை அளித்து வருகிறார்கள்.
அதேபோல் அவர்களுக்கு தேவையான அனைத்து வசதிகளையும் அந்தந்த நிறுவனங்கள் வழங்கிவருகிறது என்று கூறியுள்ளார்.
அனைத்து நிறுவனங்களிலும் தமிழ்நாடு அரசு தொழிலாளர் சங்க நல திட்டங்கள் கடைபிடிக்கப்படுகிறது என்பதும் துறை மூலமாக உறுதிசெய்யப்படுகிறது என்றும் தெரிவித்துள்ளார்
அறிக்கை அளித்துள்ளார்
வடமாநில தொழிலாளர்கள் உதவி எண்களை அறிவித்த தமிழக காவல்துறை
மேலும் சமூக வலைத்தளங்களில் பரவும் செய்திகள் அனைத்தும் போலியானவை.
தொழில் அமைதிக்கும் சமூக அமைதிக்கும் பெயர்போன தமிழ்நாட்டில் இது போன்ற நிகழ்வுகள் நடப்பதாக செய்தி பரப்புவர்கள் மீது நடவடிக்கை எடுக்கப்படும் என்றும் அமைச்சர் உறுதியளித்துள்ளார்.
இதனிடையே வடமாநில தொழிலாளர்களுக்கு தமிழக காவல்துறை உதவி எண்களை அறிவித்துள்ளது.
ஏதேனும் அவசியம் என்றால் அவர்கள் 0421-22-3313, 9498101300, 9498101320 என்னும் எண்களை தொடர்பு கொள்ளலாம் என்று தமிழக காவல்துறை தெரிவித்துள்ளது.
தமிழ்நாட்டில் வடமாநிலத்தவர்கள் மட்டுமல்ல, எல்லா மாநில தொழிலாளர்களும் அமைதியாகவும், பாதுகாப்புடனும் பணியாற்றி வருகிறார்கள் என்பதை தெரிவித்து கொள்வதாக அமைச்சர் கணேசன் தனது அறிக்கையில் குறிப்பிட்டுள்ளார் என்பது குறிப்பிடத்தக்கது.