சபரிமலை ஐயப்பன் கோயில் அரவணை பாயசத்தில் தரம் குறைவு - ஆய்வில் வெளிவந்த உண்மை
செய்தி முன்னோட்டம்
அரவணை பாயசமானது சபரிமலை ஐயப்பன் கோயிலுக்கு வரும் பக்தர்கள் வாங்கி செல்லும் முக்கிய பிரசாதங்களில் ஒன்றாகும்.
தற்போது விளக்கு பூஜைக்காக நடை திறக்கப்பட்டுள்ள நிலையில், ஏராளமான பக்தர்கள் இருமுடி கட்டி வந்து தரிசனம் செய்து, அரவணை பாயசத்தை தங்கள் வீடுகளுக்கு வாங்கி செல்கின்றனர்.
இதற்கிடையில், சபரிமலை கோயிலில் ஏலக்காய் டெண்டர் நிராகரிக்கப்பட்ட ஏலக்காய் நிறுவன உரிமையாளர் பிரகாஷ் என்பவர், கொள்முதல் செய்யப்பட்டுள்ள ஏலக்காய் தரத்தின் மீது ஐயம் கொண்டு கேரளா உயர்நீதிமன்றத்தில் வழக்கு தொடர்ந்தார்.
இதனையடுத்து, அரவணை பாயசத்தை ஆய்வு செய்து அறிக்கை அளிக்கவேண்டும் என்று நீதிமன்றம் உத்தரவிட்டது.
அதன்படி, திருவனந்தபுரத்தில் உள்ள உணவு பொருள் ஆய்வகத்தில் அரவணை பாயசம் ஆய்வு செய்யப்பட்டது.
உள்ளூர் சந்தியிலேயே கொள்முதல் செய்த தேவசம் போர்டு
அனுமதிக்கப்பட்ட அளவை விட அதிகளவு பூச்சி மருந்து கொண்ட ஏலக்காயை பயன்படுத்தியது அம்பலம்
இந்த ஆய்வின் முடிவு தற்போது வெளியாகியுள்ள நிலையில், அனுமதிக்கப்பட்டதை விட அதிகளவு பூச்சி பூச்சிமருந்து கொண்ட ஏலக்காய் அரவணை பாயசத்தில் பயன்படுத்தப்பட்டுள்ளது தெரியவந்துள்ளது.
இதனை தொடர்ந்து திருவனந்தபுரம் ஆய்வகத்தின் அறிக்கை கேரள உயர்நீதிமன்றத்தின் தேசவம் போர்டு அமர்வில் தாக்கல் செய்யப்பட்டுள்ளது.
மேலும், சபரிமலை ஐயப்பன் கோயிலுக்கு அதிக எண்ணிக்கையில் பக்தர்கள் குவிந்து வருவதால், அரவணை பாயசம் கூடுதலாக தேவைப்பட்டுள்ளது.
இதற்காக அரவணை பாயசத்தில் பயன்படுத்துவதற்கான ஏலக்காயை தேவசம் போர்டு உள்ளூர் சந்தையிலேயே கொள்முதல் செய்துள்ளது.
இது குறித்து தற்போது புகார் அளிக்கப்பட்டுள்ளது குறிப்பிடத்தக்கது.