ஜுலை 14 விண்ணில் பாய்கிறது சந்திராயன் 3:இஸ்ரோ
மிகவும் எதிர்பார்க்கப்பட்ட சந்திரயான்-3, ஜூலை 13ஆம் தேதி தொடங்கும் என்று கடந்த வாரம் அறிவித்த இஸ்ரோ, அதை ஒருநாள் ஒத்தி வைப்பதாக அறிவித்துள்ளது. தற்போது சந்திராயன் ஏவுதலை ஜூலை 14ஆம் தேதி பிற்பகல் 2.35 மணிக்கு ஒத்திவைத்துள்ளது. சந்திராயன்-3, ஸ்ரீஹரிகோட்டாவில் உள்ள சதீஷ் தவான் விண்வெளி மையத்தில் இருந்து ஏவப்பட உள்ளது என்றும் அறிவிக்கப்பட்டுள்ளது. முன்னதாக, 2019 இல் சந்திரயான்-2 திட்டத்தில் சந்திரனை வெற்றிகரமாக சுற்றி வர முடிந்தாலும், விக்ரம் லேண்டர் கடினமான தரையிறக்கத்தைச் சந்தித்ததால், திட்டமிட்டபடி ரோவர் பயன்படுத்த முடியவில்லை. இந்நிலையில், தற்போது சந்திரயான்-3 அந்த குறையை போக்கும் என எதிர்பார்க்கப்படுகிறது. சந்திரயான்-3 ஒரு லேண்டர் தொகுதி, உந்துவிசை தொகுதி மற்றும் ஒரு ரோவர் ஆகியவற்றைக் கொண்டுள்ளது.
