ஜி20: உலக தலைவர்களின் மனைவிகளுக்கு அளிக்கப்படும் வரவேற்பு பற்றி தெரிந்துகொள்ளுங்கள்
செய்தி முன்னோட்டம்
ஜி20 உச்சிமாநாட்டில் கலந்துகொள்ள வருகை தரும் உலக தலைவர்கள், அரசாங்க சந்திப்புகளில் ஈடுபட்டு கொண்டிருக்கும் போது, அவர்களுடைய மனைவிகளுக்கென தனியாக பல்வேறு நிகழ்ச்சிகளை ஏற்பாடு செய்துள்ளது இந்திய அரசு.
இந்தியாவின் பசுமைப் புரட்சியின் தொட்டிலான 1,200 ஏக்கர் Pusa-IARI வளாகத்தில் சுற்றுப்பயணம், இந்தியாவின் வளமான விவசாய பாரம்பரியத்தைப் பற்றி அறிந்துகொள்ள உதவும் வகையில் கண்காட்சி, மற்றும் புகழ்பெற்ற பிரபல சமையல்காரர்களால் தயாரிக்கப்பட்ட தினை சார்ந்த விருந்தை சுவைக்கவும் ஏற்பாடுகள் செய்யப்பட்டுள்ளது.
இவர்கள் பாதுகாப்பிற்காக, துணை ராணுவப் படையின் சிறப்புப் பயிற்சி பெற்ற ஆண்கள் மற்றும் பெண்கள் கமாண்டோக்களால் ஈடுபடுத்தப்பட்டுள்ளனர் .
card 2
தினை உணவுகள் மற்றும் லைவ் கிச்சன்
குணால் கபூர், அஜய் சோப்ரா மற்றும் அனாஹிதா தோண்டி உள்ளிட்ட புகழ்பெற்ற சமையல் கலைஞர்களால் தயாரிக்கப்பட்ட தினை அடிப்படையிலான விருந்தை லைவ் கிச்சன்-இல் ருசிக்க ஏற்பாடு செய்யப்பட்டுள்ளது.
இவர்களுடன், ITC குழுமத்தைச் சேர்ந்த மேலும் இரண்டு சமையல் நிபுணர்கள் -- குஷா மாத்தூர் மற்றும் நிகிதா மெஹ்ரா ஆகியோர் இணைவார்கள்.
'லைவ் குக்கிங் ஏரியா'வில், தினையை மையமாக வைத்து 'ஃபுல் கோர்ஸ் மீல்' தயாரிப்பார்கள் இந்த சமையல் கலைஞர்கள்.
card 3
ரங்கோலி
"அறுவடையின் இணக்கம்" மற்றும் "வாழ்வில் ஒற்றுமை" ஆகிய இரண்டு கருப்பொருள்களுடன், தினைகளைப் பயன்படுத்தி, ரங்கோலியை உருவாக்கும், முதல் அனுபவத்தை சிறப்பு விருந்தினர்கள் பெறுவார்கள்.
இந்த கலைப் படைப்புகள், விவசாய முறைகளில் இந்தியாவின் நிபுணத்துவத்தை வெளிப்படுத்துவது மட்டுமல்லாமல், உலகளாவிய உணவு மற்றும் ஊட்டச்சத்து பாதுகாப்பை மேம்படுத்துவதில் அதன் குறிப்பிடத்தக்க பங்கை எடுத்துக்காட்டும் என அதிகாரிகள் தெரிவிக்கின்றனர்.
உள்நாட்டு விவசாய கைவினைப்பொருட்கள், பழங்கால தானியங்கள் மற்றும் படைப்பாற்றல் ஆகியவற்றைப் பயன்படுத்தி, இந்தியாவின் விவசாய பாரம்பரியத்தையும், வாழ்வாதாரத்திற்கான அர்ப்பணிப்பையும் கண்காட்சிப்படுத்தவுள்ளனர்.
card 4
ரூ. 8 லட்சம் சால்வை, ரூ. 3.5 லட்சம் புடவை
நேஷனல் கேலரி ஆஃப் மாடர்ன் ஆர்ட் G20 தலைவர்களின் வாழ்க்கைத் துணைகளுக்கு ஒரு சிறிய சந்தையை உருவாக்கியுள்ளது.
G20 உச்சி மாநாட்டில் பங்கேற்கும் முதல் பெண்மணிகள் மற்றும் தலைவர்களின் வாழ்க்கைத் துணைவர்கள், அவர்களை வரவேற்கும் வகையில் அலங்கரிக்கப்பட்டுள்ள இந்த நேஷனல் கேலரி ஆஃப் மாடர்ன் ஆர்ட்டில் (NGMA), இந்தியாவின் வளமான பாரம்பரியத்தின் சின்னங்களை வாங்கும் வாய்ப்பைப் பெறுவார்கள்.
இந்த கட்டிடத்தில் பெண்களுக்கான சல்வார் உடைகள், மட்பாண்ட பொருட்கள் மற்றும் நகைகள் காட்சிக்கு வைக்கப்பட்டுள்ளன.
காட்சிக்கு வைக்கப்பட்டுள்ள ஒரு சல்வார் உடையின் விலை ரூ 2.5 லட்சம். அதேபோல், நடராஜர் சிலை 6,000 டாலர் (ரூ. 4.98 லட்சம்) விலையில் பட்டியலிடப்பட்டுள்ளது.
card 5
காட்சிப்படுத்தப்பட்டுள்ள நாட்டின் நெசவு தயாரிப்புகள்
குஜராத்தின் படான் பகுதியில் பாரம்பரியமாக நெய்யப்படும், இரட்டை இகாட் நெசவு நுட்பத்தைப் பயன்படுத்தி தயாரிக்கப்பட்ட, படன் படோலா உடைகள் கண்காட்சிப்படுத்தபட்டுள்ளது.
விண்டேஜ் படோலா என்று அழைக்கப்படும் துணிகள் மிகவும் விலை உயர்ந்தது என்றும், ரூ 1.35 லட்சத்தில் தொடங்கி ரூ. 3.5 லட்சம் வரை இந்த தயாரிப்புகள் விற்கப்பட உள்ளது என்றும் கூறப்படுகிறது.
இது 900 ஆண்டுகள் பழமையான கலை என்றும், இந்த புடவைகள், அதே முறையைப் பயன்படுத்தி உருவாக்கப்பட்டுள்ளன என்றும் கூறப்படுகிறது.
"ஒரு படன் பட்டோலா புடவையை உருவாக்க ஏழரை மாதங்கள் ஆகும்," என்று ஒரு நெசவாளர் கூறுகிறார்.
அதேபோல பஷ்மினா சால்வை அதிகபட்சமாக ரூ. 8 லட்சம் வரை விற்கப்படவுள்ளதாக கூறப்படுகிறது. இந்த சால்வைகளை செய்ய 7-8 மாதங்கள் ஆனதாம்.