இந்தியாவின் முதல் ஹைபிரிட் ராக்கெட் தமிழ்நாட்டில் இருந்து ஏவப்பட்டது
செய்தி முன்னோட்டம்
இந்தியாவின் முதல் ஹைபிரிட் சவுண்டிங் ராக்கெட், தெலுங்கானா ஆளுநரும், புதுச்சேரியின் லெப்டினன்ட் கவர்னருமான தமிழிசை சௌந்தரராஜன் முன்னிலையில் செங்கல்பட்டு பட்டிபுலம் கிராமத்தில் இருந்து ஏவப்பட்டது. மார்ட்டின் அறக்கட்டளை, டாக்டர் ஏபிஜே அப்துல் கலாம் சர்வதேச அறக்கட்டளை மற்றும் ஸ்பேஸ் சோன் இந்தியாவுடன் இணைந்து, டாக்டர் ஏபிஜே அப்துல் கலாம் சாட்டிலைட் லான்ச் வெஹிகிள் மிஷன்- 2023 அறிமுகப்படுத்தபட்டது. இந்த திட்டத்தில் 5,000 மாணவர்கள் ஈடுபடுத்தப்பட்டதாக அந்த அமைப்புகள் குறிப்பிட்டுள்ளன. தேர்ந்தெடுக்கப்பட்ட மாணவர்கள், ஒரு மாணவர் செயற்கைக்கோள் ஏவுகணை வெஹிகிள்(ராக்கெட்) மற்றும் 150 PICO செயற்கைக்கோள் ஆராய்ச்சி சோதனை கனசதுரங்களை வடிவமைத்துள்ளனர். தேர்ந்தெடுக்கப்பட்ட முதல் 100 மாணவர்களால் மீண்டும் பயன்படுத்தக்கூடிய ராக்கெட் தயாரிக்கப்பட்டது. மீதமுள்ள மாணவர்கள் செயற்கைக்கோள்களை உருவாக்கினர்.
தமிழ்நாடு
மாணவர்கள் கற்றுக்கொள்வதற்கு கிடைத்த மிகப்பெரும் வாய்ப்பு
வானிலை, வளிமண்டல நிலைகள் மற்றும் கதிர்வீச்சு ஆராய்ச்சிக்கு இந்த ராக்கெட்டை பயன்படுத்தலாம். ஏவுதல் வெற்றியடைந்தது என்று இஸ்ரோ செயற்கைக்கோள் மையத்தின் முன்னாள் இயக்குனர் மயில்சாமி அண்ணாதுரை கூறியுள்ளார். தேர்ந்தெடுக்கப்பட்ட மாணவர்கள் செயற்கைக்கோள் தொழில்நுட்பத்தைப் பற்றி மட்டுமின்றி STEM(அறிவியல், தொழில்நுட்பம், பொறியியல் மற்றும் கணிதம்) பற்றியும் கற்றுக்கொண்டதாக இரு அறக்கட்டளைகளும் தெரிவித்துள்ளன. இந்தியாவின் முதல் ஹைபிரிட் ராக்கெட் ஞாயிற்றுக்கிழமை மாமல்லபுரம், ஈசிஆர் அருகே உள்ள தேவநேரி கிராமத்தில் ஏவப்பட்டது. முக்கிய விருந்தினராக இதில் தெலுங்கானா கவர்னர் மற்றும் புதுச்சேரி துணை நிலை கவர்னர் தமிழிசை சௌந்தரராஜன் கலந்துகொண்டார்.