வேகமாக அதிகரிக்கும் கொரோனா: ICMR அதிரடி நடவடிக்கை
செய்தி முன்னோட்டம்
இந்தியாவில் கொரோனா பரவல் அதிகரித்திருக்கும் நிலையில், மாநிலங்களும் யூனியன் பிரதேசங்களும்(UT) ஒரு நிலையான பரிசோதனை அளவை பின்பற்ற வேண்டும் என்று மத்திய சுகாதாரம் மற்றும் குடும்ப நல அமைச்சகம் இன்று(மார் 25) தெரிவித்துள்ளது. சாதாரண காய்ச்சலும் கொரோனாவும் ஒரே மாதிரியான அறிகுறிகளை கொண்டிருப்பதால், பருவகால இன்ஃப்ளூயன்ஸா எதற்காக அதிகரித்து வருகிறது என்பதற்கான காரணங்களை உன்னிப்பாகக் கண்காணிக்க வேண்டும் என்று இந்திய மருத்துவ ஆராய்ச்சி கவுன்சிலின் (ICMR) துணை ஜெனரல் டாக்டர் ராஜீவ் பால் தெரிவித்திருக்கிறார். சில மாநிலங்கள், கொரோனாவை சோதிக்க 'குறைந்த செயல்திறன் கொண்ட விரைவான ஆன்டிஜென்' சோதனைகளை அதிகம் பயன்படுத்துவதாகவும், மாநிலங்களில் நடத்தப்பட்ட சோதனைகளின் எண்ணிக்கையில் வேறுபாடுகள் இருப்பதாகவும் அமைச்சகம் தெரிவித்துள்ளது.
இந்தியா
தற்போதைய சோதனை எண்ணிக்கை போதுமானதாக இல்லை: டாக்டர் ராஜீவ்
"சில மாநிலங்களில் கடந்த பல வாரங்களாக, கோவிட்-19 சோதனை குறைந்துள்ளது. WHO பரிந்துரைத்த தரங்களுடன் ஒப்பிடும்போது தற்போதைய சோதனை எண்ணிக்கை போதுமானதாக இல்லை(1 மில்லியனுக்கு 140 சோதனைகள்). அதனால், மாநிலங்கள் எங்கிலும் சமமான கோவிட்-19 சோதனைகளை பராமரிப்பது மிகவும் முக்கியமானது." என்று டாக்டர் ராஜீவ் ஒரு அறிக்கையில் தெரிவித்திருக்கிறார். மேலும், கொரோனா அதிகரித்து வரும் ஹாட்ஸ்பாட்களைக் கண்டறிந்து, அதற்கு எதிராக சரியான நடவடிக்கைகளை எடுப்பது முக்கியம் என்றும் அவர் கூறியுள்ளார். சுகாதார நிலையங்களின்(மருத்துவமனைகள்) தயார்நிலையை மதிப்பிடுவதற்காக இந்தியா முழுவதும் ஏப்ரல்-10 மற்றும் 11 ஆகிய தேதிகளில் 'மாக் ட்ரில்' நடத்தப்படும் என்று அவர் தெரிவித்திருக்கிறார். 'மாக் ட்ரில்' பயிற்சிகளின் பிற விவரங்கள் மார்ச்-27அன்று மாநிலங்களுடன் நடைபெறும் ஆன்லைன் கூட்டத்தில் தெரிவிக்கப்படும் என்றும் அறிவிக்கப்பட்டுள்ளது.