தமிழகத்தில் வெப்ப நிலையினை எதிர்கொள்ள வழிகாட்டு நெறிமுறைகள் - சுகாதாரத்துறை
தமிழகத்தில் தற்போது கோடை காலம் துவங்கவுள்ளது. இப்போதே தமிழகம் முழுவதும் வெயில் அதிகரித்து வருகிறது. இந்நிலையில் தமிழகத்தில் அதிகளவில் அதிகரிக்கும் வெப்பத்தினை எதிர்கொள்ள வழிகாட்டு நெறிமுறைகளை தமிழக சுகாதாரத்துறை வெளியிட்டுள்ளது. அதன்படி, பொது மக்கள் மதியம் 12 மணி முதல் மாலை 3 மணி வரை வீட்டை விட்டு வெளியே வரவேண்டாம். உடல் சூடு, தோளில் எரிச்சல், வாந்தி, மயக்கம், தலைவலி உள்ளிட்டவை ஏற்பட்டால் உடனடியாக மருத்துவர்களை அணுகி சிகிச்சை பெற வேண்டும். குழந்தைகள், வயதானோர், கர்ப்பிணிகள் உள்ளிட்டோர் முடிந்தளவில் வெளியில் வருவதை தவிர்க்க வேண்டும். வெளியே வெயிலில் செல்ல அவசியம் ஏற்பட்டால் குடை, உடலினை முழுதாய் மறைக்கும் பருத்தி ஆடைகள் உள்ளிட்டவைகளை பயன்படுத்த வேண்டும் என்று தெரிவிக்கப்பட்டுள்ளது.
