பட்டியலின மாணவன் மீது தாக்குதல் நடத்திய மாற்று சமூகத்தினை சேர்ந்த மாணவர்கள் - க்ரைம் ஸ்டோரி
செய்தி முன்னோட்டம்
இந்தவார Newsbytes.,இன் க்ரைம் ஸ்டோரி: தூத்துக்குடி,கோவில்பட்டியில் உள்ள லட்சுமிபுரம் கிராமத்தில் வசிப்பவர் காளிராஜ்.
பட்டியலின சமூகத்தினை சேர்ந்த இவருக்கு ஹரிபிரசாத்(17)என்னும் மகன் உள்ளார்.
ஹரிபிரசாத் கழுகுமலை அரசு மேல்நிலைப்பள்ளியில் 11ம்வகுப்பில் காமர்ஸ் பாடப்பிரிவு எடுத்து படித்து வருகிறாராம்.
இவர் படிக்கும் பள்ளியிலேயே 11ம்வகுப்பில் அறிவியல் படிப்பு படிப்போர் ராஜகுரு(17), ஹேமந்த் குமார்(17) ஆவர்.
ஹேமந்த் குமார், ஹரிபிரசாத்திற்கு நெருங்கிய நண்பன் என்று கூறப்படும் நிலையில், இருதினங்களுக்கு முன்னர் ராஜகுருவும், ஹேமந்த் குமாரும் பள்ளியருகே சாலையில் சண்டையிட்டு கொண்டிருந்துள்ளனர்.
அப்போது அவ்வழியாக சென்ற ஹரிபிரசாத் சண்டையினை விலக்கிவிட்டதாக தெரிகிறது.
இந்நிலையில், அன்றையத்தினம் இரவே ராஜகுரு தன்னுடன் 10 பேரினை சேர்த்துக்கொண்டு ஹரிபிரசாத் வீட்டிற்கு சென்று சரமாரியாக தாக்கியுள்ளனர்.
மேலும் ஹரிபிரசாத்தின் சாதியினை குறிப்பிட்டு திட்டியுள்ளனர்.
தாக்குதல்
மீதமுள்ள 5 பேரை தேடி வரும் போலீசார்
இந்த தாக்குதலில் ஹரிபிரசாத் செல்போன் முழுவதும் சேதமடைந்த நிலையில், காயமடைந்த ஹரிபிரசாத் அரசு மருத்துவமனையில் சிகிச்சைக்காக அனுமதிக்கப்பட்டார்.
இதுகுறித்து வழக்குப்பதிவுச்செய்த கழுகுமலை காவல்துறையினர் விசாரணை மேற்கொண்டுள்ளனர்.
அதன்படி, ராஜகுருவுடன் இணைந்து 12ம்வகுப்பு படிக்கும் 4 மாணவர்கள் என 5 பேர் கைது செய்யப்பட்டுள்ள நிலையில், மீதமுள்ள 5 பேரினை காவல்துறை தீவிரமாக தேடிவருகிறது.
இதனிடையே இச்சம்பவம் குறித்து காவல்துறையினர் கூறியுள்ளதாவது, ஹேமந்த்குமாரை தாக்கியது ஏன்?என்று ராஜகுருவிடம் ஹரிபிரசாத் கேட்டுள்ளார்.
இதனால் வாக்குவாதம் ஏற்பட்டதையடுத்து, ஹரிபிரசாத் ராஜகுருவை தாக்கியதாக கூறப்படுகிறது.
அப்போது அவர்களை சுற்றி கூடியிருந்த சகமாணவர்கள் வேடிக்கை பார்த்ததால் ராஜகுரு அவமானமாக அதனை கருதியுள்ளார்.
இதனால் ஆத்திரமடைந்த ராஜகுரு, தனது நண்பர்கள் 10பேருடன் சென்று ஹரிபிரசாத்தை தாக்கியுள்ளான் என்று கூறியுள்ளனர் என்பது குறிப்பிடத்தக்கது.