மருத்துவமனையில் இருந்து டிஸ்ஜார்ஜ் செய்யப்பட்டார் காங்கிரஸ் எம்.எல்.ஏ. ஈ.வி.கே.எஸ்.இளங்கோவன்
ஈரோடு கிழக்கு தொகுதி இடைத்தேர்தல் கடந்த மாதம் 27ம்தேதி நடைபெற்றது. இதில் திமுக கூட்டணி கட்சியான காங்கிரஸ் வேட்பாளர் ஈ.வி.கே.எஸ். இளங்கோவன் போட்டியிட்டு 66,233வாக்குகள் வித்தியாசத்தில் பெரும் வெற்றியினை பெற்றார். இந்நிலையில் அண்மையில் நெஞ்சுவலி காரணமாக போரூர் ராமச்சந்திரா மருத்துவமனையில் அனுமதிக்கப்பட்ட அவருக்கு கொரோனா பாதிப்பு இருப்பதாக மருத்துவமனை தெரிவித்திருந்தது. இதனை தொடர்ந்து அவருக்கு சிகிச்சையளிக்கப்பட்ட நிலையில் கொரோனா பாதிப்பில் இருந்து அவர் குணமடைந்துவிட்டார் என்று மருத்துவமனை நிர்வாகம் தெரிவித்தது. பின்னர் சிகிச்சையளிக்கப்பட்டதில் கொரோனாவில் இருந்து ஈ.வி.கே.எஸ்.இளங்கோவன் விடுபெற்றார் என்றும், இருதய நோய்க்கு சிகிச்சை பெற்று வருகிறார் என்றும் செய்திகள் வெளியானது. தற்போது அவரது உடல்நிலையில் நல்ல முன்னேற்றம் காணப்பட்டதையடுத்து மருத்துவமனை அவரை இன்று(ஏப்ரல்.,6) டிஸ்ஜார்ஜ் செய்துள்ளது குறிப்பிடத்தக்கது.
