வணிக பயன்பாட்டிற்கான கேஸ் சிலிண்டர் விலை அதிரடி உயர்வு
செய்தி முன்னோட்டம்
சர்வதேச சந்தையில் நிலவி வரும் டாலர் மற்றும் கச்சா எண்ணெய் விலைக்கு நிகராக இந்தியா ரூபாயின் மதிப்பு ஆகியனவற்றின் அடிப்படையிலேயே அவ்வப்போது பெட்ரோல், டீசல் மற்றும் சமையல் எரிவாயு சிலிண்டர்களின் விலைகள் நிர்ணயம் செய்யப்படுகிறது.
அதன்படி ஒவ்வொரு மாதத்தின் முதல் நாளில் இந்த சமையல் எரிவாயு சிலிண்டர்களின் விலையில் மாற்றம் செய்யப்பட்டு வருவது வழக்கமாகும்.
சமையல் எரிவாயுக்கான மானியம் குறைக்கப்பட்ட பின்னர், வீட்டிற்கு பயன்படுத்தும் சிலிண்டர்கள் மற்றும் வணிக பயன்பாட்டிற்கு உபயோகப்படுத்தும் எரிவாயு சிலிண்டர்களின் விலைகள் தொடர்ந்து ஏற்ற இறக்கமாக உள்ளது.
விலையுயர்வு
வீட்டிற்கு பயன்படுத்தும் சிலிண்டரின் விலையில் மாற்றமில்லை
இதனிடையே, கடந்த மாதம் வணிகம் செய்வோர் உபயோகப்படுத்தும் எரிவாயு சிலிண்டரின் விலையானது ரூ.1,937ஆக இருந்துள்ளது.
இந்நிலையில் இம்மாத நிலவரப்படி வணிகத்திற்கான சிலிண்டருக்கு ரூ.8 உயர்த்தப்பட்டு ரூ.1,945ஆக விற்பனை செய்யப்படுகிறது.
கடந்த 2 மாதங்களாக வணிக பயன்பாட்டிற்கான சிலிண்டரின் விலை உயர்த்தப்படாமல் இருந்த நிலையில் தற்போது அதிரடியாக ரூ.8 உயர்த்தப்பட்டுள்ளது.
மேலும், 14.2 கிலோ எடைக்கொண்ட வீட்டிற்கு பயன்படுத்தும் சிலிண்டரின் விலையில் இம்மாதம் எவ்வித மாற்றமும் இல்லை என்று கூறப்படுகிறது.
சென்னையில் ஒரு வீட்டிற்கான சமையல் எரிவாயு சிலிண்டரின் விலை ரூ.1,180.50க்கு விற்பனை செய்யப்படுகிறது என்றும் தெரிவிக்கப்பட்டுள்ளது.