சென்னை கலாஷேத்ரா பாலியல் விவகாரம் - ஒன்றிய கலாச்சார அமைச்சகத்துக்கு மாணவர் அமைப்பு கடிதம்
சென்னை கலாஷேத்ராவில் பெண்கள் பாலியல் தொந்தரவு ஏற்படுவதாக தொடர்ந்து புகார்கள் எழுந்து வருகிறது. இந்நிலையில் கலாஷேத்ராவில் பாலியல்தொல்லை தந்த பேராசிரியர் மீது நடவடிக்கை எடுக்கவேண்டும் என்று மாணவ-மாணவிகள் போராட்டம் நடத்தினர். இதுதொடர்பாக தேசிய மகளிர் ஆணைய தலைவர் நேரில் விசாரணை நடத்தியதாகவும் செய்திகள் தெரிவிக்கிறது. இதனைதொடர்ந்து, பாலியல் தொல்லையால் பாதிக்கப்பட்டோருக்கு நீதிவேண்டும் என்று மாணவ மாணவிகள் முழக்கம் எழுப்பி போராட்டம் நடத்தினர். மேலும் பாலியல் தொல்லை விவகாரத்தில் 4 பேர் மீது நடவடிக்கை எடுக்கவேண்டும் என்று ஒன்றிய கலாச்சார அமைச்சகத்திற்கு மாணவர் அமைப்பு தற்போது கடிதம் அளித்துள்ளதாக தகவல்கள் வெளியாகியுள்ளது. அந்த புகார் கடிதத்தில் சம்பந்தப்பட்ட 4 பேரை இயக்குநர் ரேவதி, நடனத்துறைத்தலைவர் ஜொல்ஸ்னா மேனன் ஆகியோர் காப்பாற்றி வருவதாகவும் தெரிவிக்கப்பட்டுள்ளது குறிப்பிடத்தக்கது.
