சென்னை கிழக்கு கடற்கரை சாலை விரிவாக்க பணி - ரூ.24 ஆயிரம் கோடி நிதி ஒதுக்கீடு
சென்னையின் முக்கிய சாலைகளில் ஒன்றான கிழக்கு கடற்கறை சாலை விரிவாக்கம் குறித்து பாராளுமன்றத்தில் மதிமுக தலைவர் வைகோ, திமுக எம்.பி. சண்முகம் ஆகியோர் கேள்வி எழுப்பினர். இதற்கு மத்திய சாலை போக்குவரத்து அமைச்சர் நிதின் கட்கரி, மகாபலிபுரம் முதல் கன்னியாகுமரி வரையிலான இந்த கிழக்கு கடற்கரை சாலை விரைவில் விரிவாக்கம் செய்யப்படும் என்று பதில் அளித்துள்ளார். மேலும் இந்த விரிவாக்க பணிக்கு ரூ.24 ஆயிரத்து 435 கோடி நிதி ஒதுக்கீடு செய்யப்பட்டுள்ளது. அதற்கான பணிகளும் தொடங்கி நடந்து வருகிறது என்றும் அவர் தெரிவித்துள்ளார். 697 கிமீ தூரம் கொண்ட இந்த சாலை விரிவாக்கம் 8 பிரிவுகளாக பிரித்து செய்யப்பட்டு வருகிறது. இதன் பணிகள் அனைத்தும் அடுத்த ஆண்டு நிறைவடையும் என்று கூறியது குறிப்பிடத்தக்கது.
