சந்திரயான்-3 : இன்று முதல் ராக்கெட்டின் 25½ மணி நேர கவுண்ட்டவுன் துவக்கம்
செய்தி முன்னோட்டம்
சந்திரயான்-3 நாளை விண்ணில் ஏவப்படுகிறது. அந்த விண்கலத்தை சுமந்து செல்லும் 'எல்.வி.எம்.3 எம்-4' ராக்கெட்டின் சோதனை ஓட்டம் நிறைவு பெற்றதை அடுத்து, எரிபொருள் நிரப்பும் பணி நிகழ்ந்து வருகிறது.
நிலவின் தென்துருவ பகுதியை ஆராய்ச்சி செய்ய அனுப்பப்படும் இந்த விண்கலத்தில், ஏற்கனவே அனுப்பப்பட்டு, தோல்வியடைந்த சந்திராயன்-2 விண்கலத்தில் ஏற்பட்ட தவறுகள் நீக்கப்பட்டுள்ளன என குறிப்பிடுகிறது இஸ்ரோ.
தற்போதைய திட்டத்தில் ஆர்பிட்டர் இன்றி லேண்டர் மற்றும் ரோவர் மட்டுமே அனுப்பப்படவிருக்கிறது.
சந்திராயன்-3 விண்கலத்தில் இருக்கும் ப்ரொபல்ஷன் மாடியூலே நிலவில் தரையிறங்கவிருக்கும் லேண்டர் மற்றும் ரோவருக்கு செயற்கைக்கோள் இணைப்பாகவும் பயன்படுத்தப்படவிருக்கிறது.
இந்நிலையில், விண்கலத்தின் மாதிரியை, திருப்பதி கோவிலுக்கு எடுத்துச்சென்று, வழிபாடு செய்துள்ளனர் இஸ்ரோ குழுவினர். இதனைத்தொடர்ந்து, ராக்கெட்டின் 25½ மணி நேர கவுண்ட்டவுன் இன்று துவங்குகிறது.
ட்விட்டர் அஞ்சல்
திருப்பதிக்கு வந்த இஸ்ரோ குழுவினர்
A team of ISRO scientists, including Shantanu Bhatwadekar (in the photo), Scientific Secretary of ISRO, visited and offered prayers at Tirupati Venkatachalapathy Temple in Andhra Pradesh earlier today-- a day before the Chandrayaan-3 mission. pic.twitter.com/vXUTifvz51
— ANI (@ANI) July 13, 2023