பிப்ரவரி 17 முதல் பொதுத்தேர்வு; 10, 12 ஆம் வகுப்புக்கான பொதுத்தேர்வு அட்டவணையை வெளியிட்டது சிபிஎஸ்இ
செய்தி முன்னோட்டம்
மத்திய இடைநிலைக் கல்வி வாரியம் (சிபிஎஸ்இ), 2026ஆம் ஆண்டுக்கான 10 மற்றும் 12 ஆம் வகுப்புப் பொதுத் தேர்வுகளுக்கான இறுதித் தேர்வுக் கால அட்டவணையை (Date Sheet) வெளியிட்டுள்ளது. தேர்வெழுதவிருக்கும் மாணவர்கள் அதிகாரப்பூர்வ இணையதளமான cbse.gov.in இல் தேர்வுக் கால அட்டவணையைப் பார்க்கலாம் மற்றும் பதிவிறக்கம் செய்துகொள்ளலாம். அறிவிப்பின்படி, சிபிஎஸ்இ 10ஆம் வகுப்புத் தேர்வுகள் இரண்டு கட்டங்களாக, பிப்ரவரி 17 அன்று தொடங்கி, ஜூலை 15, 2026 வரை நடைபெறும் என்று அறிவிக்கப்பட்டுள்ளது. அதேபோல், 12ஆம் வகுப்புத் தேர்வுகளும் பிப்ரவரி 17 அன்று தொடங்கி ஏப்ரல் 9 வரை நடைபெற உள்ளன.
10 ஆம் வகுப்பு
10 ஆம் வகுப்புத் தேர்வுகள்: முக்கியத் தேதிகள்
10ஆம் வகுப்புத் தேர்வுகள் பிப்ரவரி 17 அன்று தொடங்கும் நிலையில், முக்கியப் பாடங்களுக்கானத் தேர்வுகள் பின்வருமாறு: பிப்ரவரி 17 - கணிதம் (Standard மற்றும் Basic) பிப்ரவரி 21 - ஆங்கிலம் பிப்ரவரி 25 - அறிவியல் மார்ச் 2 - ஹிந்தி மார்ச் 7 - சமூக அறிவியல் சில்லறை வர்த்தகம், தகவல் தொழில்நுட்பம் மற்றும் செயற்கை நுண்ணறிவு போன்ற தொழில்முறைப் பாடங்களுக்கானத் தேர்வுகள் பிப்ரவரி 18 முதல் ஆரம்பிக்கின்றன.
12 ஆம் வகுப்பு
12 ஆம் வகுப்புத் தேர்வுகள்: முக்கியத் தேதிகள்
12 ஆம் வகுப்புத் தேர்வுகள் பிப்ரவரி 17 முதல் ஏப்ரல் 9 வரை நடைபெறும். முக்கியப் பாடங்களுக்கானத் தேதிகள் பின்வருமாறு: பிப்ரவரி 20 - இயற்பியல் பிப்ரவரி 28 - வேதியியல் மார்ச் 9 - கணிதம் மார்ச் 12 - ஆங்கிலம் மார்ச் 18 - பொருளாதாரம் மார்ச் 30 - வரலாறு ஏப்ரல் 4 - சமூகவியல் 12ஆம் வகுப்புத் தேர்வுகள் காலை 10:30 மணி முதல் மதியம் 1:30 மணி வரையிலும் அல்லது 12:30 மணி வரையிலும் நடத்தப்படும். தேர்வுக்குத் தயாராகும் மாணவர்கள் முழுமையான மற்றும் துல்லியமானத் தேர்வுக் கால அட்டவணையைப் பெற, உடனடியாக cbse.gov.in இணையதளத்தைப் பார்க்குமாறு அறிவுறுத்தப்படுகிறார்கள்.