LOADING...
ஐயப்ப பக்தர்களுக்கு மகிழ்ச்சி செய்தி: விமானங்களில் இருமுடி எடுத்துச் செல்ல மத்திய அரசு அனுமதி
ஐயப்ப பக்தர்கள் விமானங்களில் இருமுடி எடுத்துச் செல்ல மத்திய அரசு அனுமதி

ஐயப்ப பக்தர்களுக்கு மகிழ்ச்சி செய்தி: விமானங்களில் இருமுடி எடுத்துச் செல்ல மத்திய அரசு அனுமதி

எழுதியவர் Sekar Chinnappan
Nov 29, 2025
03:00 pm

செய்தி முன்னோட்டம்

சபரிமலை ஐயப்பன் கோவிலுக்கு மாலை அணிந்து விரதம் இருந்து இருமுடி கட்டிக் கொண்டு செல்லும் பக்தர்களுக்கு மத்திய அரசு மகிழ்ச்சியான செய்தியை வெளியிட்டுள்ளது. இனிமேல் ஐயப்ப பக்தர்கள் விமானங்களில் தங்களுடன் இருமுடிப் பையை எடுத்துச் செல்ல மத்திய அரசு சிறப்பு அனுமதி அளித்துள்ளது. சபரிமலை விரத காலத்தில், ஐயப்ப பக்தர்கள் விமானங்களில் பயணிக்கும்போது, இருமுடிப் பைகளை உடன் எடுத்துச் செல்ல அனுமதி மறுக்கப்படுவது குறித்து அவ்வப்போதுச் சர்ச்சைகள் நிலவி வந்தன. இந்த விவகாரத்திற்கு முற்றுப்புள்ளி வைக்கும் வகையில் மத்திய அரசு இந்த முடிவை எடுத்துள்ளது.

அமைச்சர்

மத்திய அமைச்சர் அறிவிப்பு

மத்திய சிவில் விமானப் போக்குவரத்துத் துறை அமைச்சர் ராமமோகன் நாயுடு இதுகுறித்துத் தனது எக்ஸ் பக்கத்தில், மத்திய சிவில் விமானப் போக்குவரத்து அமைச்சகம், விமானங்களில் ஐயப்ப பக்தர்கள் இருமுடியை உடன் எடுத்துச் செல்ல அனுமதிக்க முடிவு செய்துள்ளது என்று தெரிவித்துள்ளார். பக்தர்களின் பாரம்பரியப் பழக்கவழக்கங்கள் பாதிக்கப்படாமல் இருப்பதை உறுதிசெய்வதே இதன் நோக்கம் என்றும், இதற்கான அனைத்துப் பாதுகாப்பு விதிமுறைகளும் பின்பற்றப்படும் என்றும் அவர் உறுதியளித்தார். மத்திய அரசின் இந்த நடவடிக்கை, சபரிமலைக்கு விமானம் மூலம் பயணிக்கும் ஐயப்ப பக்தர்களிடையே மிகுந்த மகிழ்ச்சியை ஏற்படுத்தி உள்ளது.

Advertisement