ஈரோடு இடைத்தேர்தல் அதிகாரி உள்பட முக்கிய அதிகாரிகள் வீட்டில் லஞ்ச ஒழிப்புத்துறை ரெய்டு
செய்தி முன்னோட்டம்
ஈரோடு இடைத்தேர்தலில் தேர்தல் அதிகாரியாக செயல்பட்டவர் சிவகுமார்.
இவர் ஈரோடு மாநகராட்சி ஆணையராக பணிபுரிந்து வருகிறார்.
கடந்த 2 வருடங்களுக்கு முன்னர் பல்லாவரம் நகராட்சி ஆணையராக இருந்த இவர் முறைகேடு செய்ததாக குற்றச்சாட்டுகள் எழுந்துள்ளது.
இந்த புகாரின் அடிப்படையிலேயே லஞ்ச ஒழிப்புத்துறை போலீசார் தற்போது சோதனை செய்துள்ளார்கள் என்று கூறப்படுகிறது.
நேற்று(மார்ச்.,22) சென்னையில் இருந்த நிலையில் சோதனை குறித்த தகவலறிந்து ஈரோடு சென்றுள்ளார்.
அங்கு 5 பேர் கொன்டு லஞ்ச ஒழிப்புத்துறை குழு இரவு 8 மணிவரை அவரது வீட்டில் சோதனை நடத்தியுள்ளது.
இதனை தொடர்ந்து திருநெல்வேலி அருகே கங்கைகொண்டான் சிப்காட்டில் நிலம் எடுப்பு தாசில்தாரராக பணிபுரிந்து வரும் சந்திரன், வருமானத்திற்கு அதிகமாக சொத்துக்களை வாங்கி குவித்துள்ளார் என்று புகார்கள் வந்துள்ளது.
கண்டறியப்பட்ட ஆவணங்கள்
ஒரே நேரத்தில் வெவ்வேறு இடங்களில் அதிரடி சோதனை மேற்கொண்ட லஞ்ச ஒழிப்பு அதிகாரிகள்
இதனையடுத்து லஞ்சஒழிப்பு அதிகாரிகள் பாளையங்கோட்டையில் உள்ள அவரது வீடு,நிறுவனம் மற்றும் தூத்துக்குடியில் உள்ள அவரது மகனின் வீடு என அனைத்து இடங்களிலும் சோதனை மேற்கொண்டுள்ளார்கள்.
இதில் 30லட்சத்துக்கும் அதிகமான ரொக்கப்பணம் மற்றும் முக்கிய ஆவணங்கள் கைப்பற்றப்பட்டு விசாரணை நடத்தப்பட்டுவருகிறது.
இவரையடுத்து வேலூர் மாவட்ட ஊரகவளர்ச்சிமுகமை திட்ட இயக்குனராக இருப்பவர் ஆர்த்தி(40), இவரது கணவர் ஆனந்தமூர்த்தி(46) தருமபுரியில் வருவாய் ஆய்வாளராக பணியாற்றி வந்துள்ளார்.
இவர் கடந்தாண்டு அரசுக்கு தெரியாமல் 1கோடிக்கு சொத்துக்கள் வாங்கிய புகாரில் பணியைவிட்டு நீக்கப்பட்டுள்ளார்.
இந்நிலையில் ஆனந்தமூர்த்தி,ஆர்த்தி மற்றும் ஆர்த்தியின் தந்தையான முன்னாள் வங்கிமேலாளர் கலைமணி(70) ஆகியோர் மீது வழக்குப்பதிவு செய்யப்பட்டுள்ளது.
இவர்கள் மூவர் வசிக்கும் வீடுகளிலும் நேற்று ஒரேநேரத்தில் அதிகாரிகள் சோதனைமேற்கொண்டுள்ளார்கள்.
இதில் ரொக்கப்பணம், நகைகள்,சொத்துகள் குறித்த ஆவணங்கள் கண்டறியப்பட்டுள்ளது.