ஜூலை 1 முதல் அமலுக்கு வருகிறது 3 புதிய குற்றவியல் சட்டங்கள்
செய்தி முன்னோட்டம்
இந்திய தண்டனைச் சட்டம்(IPC), குற்றவியல் நடைமுறைச் சட்டம்( CrPC ), சாட்சியச் சட்டம், 1872 ஆகிய மூன்று சட்டங்களுக்கு மாற்றான புதிய குற்றவியல் சட்டங்கள் ஜூலை 1 ஆம் தேதி முதல் நடைமுறைக்கு வரும் என்று அரசாங்கம் அறிவித்துள்ளது.
IPCக்கு மாற்றாக வந்திருக்கும் பாரதிய நியாய சன்ஹிதா சட்டத்தில், IPCயில் இருக்கும் 22 விதிகள் ரத்து செய்யப்பட்டுள்ளன. ஏற்கனவே உள்ள 175 விதிகளில் மாற்றம் செய்யப்ட்டுள்ளன. மேலும், 8 புதிய பிரிவுகள் அறிமுகப்படுத்தப்பட்டுள்ளன.
CrPCக்கு மாற்றாக வந்திருக்கும் பாரதிய நாகரிக் சுரக்ஷா சன்ஹிதா சட்டத்தில், CrPCயில் இருக்கும் 7 விதிகள் ரத்து செய்யப்பட்டுள்ளன. ஏற்கனவே உள்ள 160 விதிகளில் மாற்றம் செய்யப்பட்டுள்ளன. மேலும், 9 புதிய விதிகள் அறிமுகப்படுத்தப்பட்டுள்ளன.
இந்தியா
பிரிட்டிஷ் காலனித்துவ சட்டங்கள் அகற்றம்
இந்திய சாட்சியச் சட்டத்திற்கு மாற்றாக வந்திருக்கும் பாரதிய சாக்ஷ்யா சட்டத்தில், சாட்சியச் சட்டத்தில் இருக்கும் 5 விதிகள் ரத்து செய்யப்பட்டுள்ளன. ஏற்கனவே உள்ள 23 விதிகளில் மாற்றம் செய்யப்பட்டுள்ளன. மேலும், 1 புதிய விதி அறிமுகப்படுத்தப்பட்டுள்ளது.
இந்த மூன்று சட்டங்களும் கடந்த டிசம்பரில் நாடாளுமன்றத்தில் நிறைவேற்றப்பட்டன.
IPC, CrPC மற்றும் இந்திய சாட்சியச் சட்டம் அனைத்தும் பிரிட்டிஷ் காலனித்துவ காலத்தில் இயற்றப்பட்டதாகும்.
இந்த பழைய சட்டங்கள் "அடிமைத்தனத்தின் அடையாளங்கள்" என்று வாதிட்ட இந்திய அரசாங்கம், மொத்தம் 475 இடங்களில் இருந்து அந்த அடையாளங்களை அகற்றப்போவதாக தெரிவித்துள்ளது.