விஜய்க்கும், SACக்கும் என்ன பிரச்னை? உண்மையை உடைத்த ஷோபா
செய்தி முன்னோட்டம்
சென்ற மாதம், நடிகர் விஜய்யின் பெற்றோர்களான இயக்குனர் S.A.சந்திரசேகருக்கும், ஷோபாவிற்கும் 50வது திருமண நாள்.
அப்போது ஷோபாவும், விஜய்யும் இருப்பது போன்ற ஒரு புகைப்படத்தை, ஷோபா தனது சமூக வலைத்தளத்தில் பகிர்ந்து கொண்டார்.
அதை பார்த்த ரசிகர்கள், "மீண்டும் விஜய்க்கும், SACக்கும் பிரச்னை போல. அதனால் தான் அவருடன் எந்த புகைப்படமும் எடுத்துக்கொள்ளவில்லை" என கிளப்பிவிட்டனர்.
இந்நிலையில், ஒரு தனியார் ஊடகத்திற்கு பேட்டி அளித்த ஷோபா, திருமணநாள் அன்று, தான் தான் விஜயை அழைத்து, அவருடன் ஒரு புகைப்படம் வேண்டும் என கேட்டதாகவும், தன்னுடைய DP-காக அப்படி எடுத்ததாகவும் கூறினார்.
அதோடு, திருமணநாளின் போது, SAC ஷூட்டிங்கிற்காக வெளியூர் சென்றிருந்ததாகவும், அதனால் தான் அவருடன் புகைப்படம் எடுக்க முடியவில்லை என்றும் விளக்கம் அளித்தார்.
card 2
விஜய்யின் பிட்னெஸ் ரகசியம்
நடிகர் விஜய்க்கும், அவரின் தந்தை S.A.சந்திரசேகருக்கும், கடந்த தேர்தலின் போது மனஸ்தாபம் ஏற்பட்டது நினைவிருக்கலாம்.
இது குறித்து பொதுவெளியில் விஜய் மௌனம் காத்த போதும், SAC தங்களுக்குள் கருத்து வேறுபாடு ஏற்பட்டதை சில ஊடகத்தினரிடம் தெரிவித்தார்.
தாய் ஷோபாவோ, தன்னுடைய முழு ஆதரவு எப்போதுமே விஜய்க்கு தான் எனவும் கூறி இருந்தார்.
அந்த பிரச்னை சற்று ஓய்ந்த நிலையில், இந்த புகைப்படம் மூலம் மீண்டும் புகைக்க ஆரம்பித்தது. அதற்கு, ஷோபா விளக்கம் அளித்தது ரசிகர்களுக்கு ஆறுதலை ஏற்படுத்தியது.
தொடர்ந்து அந்த பேட்டியில், விஜய்யின் பிட்னெஸ் ரகசியத்தையும் கூறியுள்ளார் ஷோபா.
தினமும் காலையும், இரவும், விஜய் 2 தோசைகள் மட்டும் தான் எடுத்துக்கொள்வாராம்.
அதோடு தீவிரமாக உடற்பயிற்சியும் மேற்கொள்வாராம்.