நடிகை சமந்தா கூறிய ஹைட்ரஜன் பெராக்சைடு நெபுலைசேஷன் உண்மையில் நம்பகமானதா?
நடிகை சமந்தா சமீபத்தில் சமூக ஊடகங்களில் வைரஸ் தொற்றுகளுக்கு மாற்று சிகிச்சையாக ஹைட்ரஜன் பெராக்சைடு நெபுலைசேஷன் செய்யலாம் எனக்கூறியது பெரும் சர்ச்சையை கிளப்பியது. அவரது இன்ஸ்டாகிராம் பதிவில், பாரம்பரிய மருந்துகளுக்குப் பதிலாக இந்த முறையை முயற்சிக்குமாறு தன்னுடைய ஃபாலோவர்களை ஊக்குவித்தார். இது "மேஜிக் போல் வேலை செய்கிறது" என்றும் அவர் கூறினார். விரைவில், இந்தப் பரிந்துரையானது "தி லிவர் டாக்" என்று அழைக்கப்படும் ஒரு முக்கிய மருத்துவ நிபுணரான டாக்டர். சிரியாக் அப்பி பிலிப்ஸிடமிருந்து கடுமையான விமர்சனத்தை ஏற்படுத்தியது. அவர் சமந்தாவின் தவறான தகவலைப் பற்றி எக்ஸ்-இல் நீண்ட பதிவுகளை எழுதினார்.
ஹைட்ரஜன் பெராக்சைடு நெபுலைசேஷன் குறித்து மருத்துவ நிபுணர் எச்சரித்துள்ளார்
பிலிப்ஸ், சமந்தாவை, "உடல்நலம் மற்றும் அறிவியல் படிப்பறிவில்லாதவர் " என்று முத்திரை குத்தி, ஹைட்ரஜன் பெராக்சைடு நெபுலைசேஷனால் ஏற்படக்கூடிய ஆபத்துகள் குறித்து எச்சரித்தார். பல்வேறு பயன்பாடுகளில் பயன்படுத்தப்படும் கிருமி நாசினியான நீர்த்த ஹைட்ரஜன் பெராக்சைட்டின் ஆவியை உள்ளிழுப்பது தான் சமந்தா கூறிய அந்த செயல்முறை. இருப்பினும், நெபுலைஸ் மற்றும் உள்ளிழுக்கும் போது, அது காற்றில் உள்ள பொருட்களுடன் அல்லது உபகரணங்களில் உள்ள எச்சங்களுடன் தொடர்பு கொள்ளலாம். இது நுரையீரலை சேதப்படுத்தி, தீங்கு விளைவிக்கும் துணை தயாரிப்புகளை உருவாக்குகிறது. இது சுவாசக் குழாயை சுத்தப்படுத்த முடியும் என்று ஆதரவாளர்கள் கூறினாலும், சுகாதார நிபுணர்கள் இந்த கூற்றுகளை ஆதரிக்கவில்லை என்று கூறப்படுகிறது
இது ஆபத்தான உடல்நலப் பிரச்சினைகளுக்கு வழிவகுக்கும்
மெடிக்கல் நியூஸ்டுடே கருத்துப்படி,"ஹைட்ரஜன் பெராக்சைடை உள்ளிழுப்பதால் மூக்கு மற்றும் தொண்டை எரிச்சல், நுரையீரல் எரிச்சல், நுரையீரல் வீக்கம் (நுரையீரலில் திரவம் குவிதல், இது மருத்துவ அவசரநிலை மற்றும் மரணத்தை விளைவிக்கும்)." "வாந்தி, தொண்டை எரிச்சல், இரைப்பைக் குழாயின் லேசான எரிச்சல், திசு எரிப்பு மற்றும் கடுமையான வயிற்றுக் கோளாறு போன்றவற்றை இது ஏற்படுத்தலாம். அரிதான சந்தர்ப்பங்களில், இது காற்று அல்லது வாயு குமிழ்கள் பயணிக்கும் போது, வாயு தடைக்கும் வழிவகுக்கும்" கூடுதலாக, ஹைட்ரஜன் பெராக்சைடை உள்ளிழுப்பது சுவாசக் குழாயின் மியூகோசல் புறணியை சேதப்படுத்தும். இது எரிச்சல், வீக்கம், வலி மற்றும் விழுங்குவதில் சிரமத்திற்கு வழிவகுக்கும். மேலும், இது நுரையீரல் வீக்கம் மற்றும் நிமோனிடிஸ் ஆகியவற்றை உருவாக்கும் குறிப்பிடத்தக்க ஆபத்தை ஏற்படுத்துகிறது.
ஹைட்ரஜன் பெராக்சைடு நெபுலைசேஷன் மீதான FDA இன் நிலைப்பாடு
அமெரிக்க உணவு மற்றும் மருந்து நிர்வாகம்(FDA) ஹைட்ரஜன் பெராக்சைடு நெபுலைசேஷனை எந்த மருத்துவ பயன்பாட்டிற்கும் அனுமதிக்கவில்லை. FDAஇன் நிலைப்பாடு, மருத்துவ நிபுணர்களின் விமர்சனங்களுடன், மாற்று சிகிச்சைகளை, குறிப்பாக தீங்கு விளைவிக்கக்கூடிய பொருட்களை உள்ளடக்கியவைகளை ஊக்குவிக்கும் முன் கடுமையான அறிவியல் சரிபார்ப்பின் அவசியத்தை எடுத்துக்காட்டுகிறது. விமர்சனங்களைத்தொடர்ந்து, சமந்தா தனது பரிந்துரை 25 வருட அனுபவமுள்ள தனது மருத்துவரின் ஆலோசனையின் அடிப்படையில் அமைந்தது என்றும் நல்ல நோக்கத்துடன் பகிரப்பட்டது என்றும் தெளிவுபடுத்தினார். இருப்பினும், பிலிப்ஸ் சமந்தாவை,"சுகாதார தவறான தகவலின் பின்னணியில் தொடர் குற்றவாளி" என்று முத்திரை குத்தி, மருத்துவரீதியாக தவறான தகவல்களை எதிர்த்துப்போராடுவதற்கான தனது உறுதிப்பாட்டை மீண்டும் வலியுறுத்தினார். கிராமி விருது வென்ற ரிக்கி கேஜும், சமந்தாவின் சிகிச்சைக்கு எதிராகவும் பிலிப்ஸின் நிலைப்பாட்டை ஆதரிப்பதாகவும் கூறியுள்ளார்.
