Scriptick: திரைக்கதைக்கான பிரத்தேயேக வங்கியை அறிமுகப்படுத்தினார் இயக்குனர் பாரதிராஜா
இந்தியாவிலேயே முதன்முறையாக திரைகதைக்கென பிரத்யேக வங்கி 'ஸ்கிரிப்டிக்' (SCRIPTick) என்ற பெயரில் தொடங்கப்பட்டுள்ளது. இந்த வங்கியை, பாடலாசிரியர் மற்றும் எழுத்தாளரான மதன் கார்க்கியுடன் இணைந்து, (BOFTA) திரைப்படக் கல்லூரி நிறுவனர் மற்றும் தயாரிப்பாளர் கோ. தனஞ்ஜெயன் துவங்கியுள்ளார். இதை, இயக்குனர் இமயம் பாரதிராஜா துவங்கி வைத்தார். ஏற்கனவே மதன் கார்க்கி, இது போல பல புதிய முயற்சிகளை கையாண்டு வருகிறார். 'DooPaaDoo' என்ற இசை செயலி, கார்க்கி ஆராய்ச்சி நிறுவனம் போன்ற பல, மதன் கார்க்கியின் முயற்சியால் துவங்கப்பட்டது. தற்போது, அதன் தொடர்ச்சியாக இந்த 'Scriptick '-ஐயும் துவங்கியுள்ளார். திறமையான எழுத்தாளர்களிடமிருந்து உருவாக்கப்பட்ட திரைக்கதைகளை, இந்த வங்கியிலிருந்து, தயாரிப்பாளர்களும், இயக்குனர்களும் தேர்ந்தெடுக்க உதவுவதுதான், இந்த ஸ்கிரிப்டிக்-இன் நோக்கம் என கூறப்பட்டுள்ளது.