'தலைவர் 170 ': களமிறங்கும் பெரிய நட்சத்திரங்கள்
'ஜெயிலர்' படத்தை தொடர்ந்து, சூப்பர்ஸ்டார் ரஜினிகாந்த் நடிக்கவிருக்கும் படத்தை, லைகா நிறுவனம் தயாரிக்க, ஞானவேல் இயக்குகிறார். 'தலைவர் 170 ' என்ற அறிவிப்புடன் அதிகாரபூர்வமாக அறிவிக்கப்பட்ட இந்த படத்தின் படப்பிடிப்பு விரைவில் தொடங்கவுள்ளது. இதற்காக, ரஜினிக்கு டெஸ்ட் மேக்அப் லுக் சில நாட்களுக்கு முன்னர் நடைபெற்றது என செய்திகள் வெளியானது. எனினும் இப்படத்தை பற்றிய அறிவிப்புகள் எதுவும் வெளியாகவில்லை. இதனிடையே, தற்போது ஜெயிலர் திரைப்படம் மாபெரும் வெற்றியடைந்ததை தொடர்ந்து, இப்படத்தின் மீதான எதிர்பார்ப்பு அதிகமாகியுள்ளது.
இந்திய சினிமாவின் முன்னணி நட்சத்திரங்கள் இணைகின்றனரா?
'ஜெயிலர்' படத்தை போலவே, இந்த திரைப்படத்திலும் இந்திய சினிமாவின் முன்னணி நட்சத்திரங்களை நடிக்க வைக்க திட்டமிட்டுள்ளதாக கூறப்படுகிறது. ஏற்கனவே, அமிதாப் பச்சன் நடிப்பதாக செய்திகள் வெளியானதை அடுத்து, தற்போது மேலும் சில நட்சத்திரங்களை நடிக்க வைக்க பேச்சுவார்த்தை நடந்து வருவதாக செய்திகள் வெளியாகியுள்ளன. அதன்படி, மஞ்சு வாரியார், ஃபஹத் ஃபாசில், ரானா டகுபதி , துஷாரா விஜயன் அகியோரிடம் பேச்சுவார்த்தை நடைபெறுகிறதாம். அவர்கள் சம்மதிக்கும்பட்சத்தில், இதற்கான அறிவிப்பு, படப்பிடிப்பு தொடங்கும் முன்னரே அறிவிக்க திட்டம் உள்ளதாம். இன்னும் இரண்டு வாரங்களில் படப்பிடிப்பு தொடங்கவுள்ள நிலையில், எப்போது வேண்டுமானாலும் அதிகாரப்பூரவ அறிவிப்பு வெளியாகும் என ரசிகர்கள் எதிர்பார்க்கின்றனர்.
இந்த காலவரிசையைப் பகிரவும்