'சந்திரமுகி' கதாபாத்திரத்தில் கங்கனா ரனாவத் - புகழாரம் சூட்டிய நடிகை ஜோதிகா
இயக்குனர் பி.வாசுவின் இயக்கத்தில் 'சந்திரமுகி 2' திரைப்படம் விரைவில் வெளியாகவுள்ளது. இதில் ராகவா லாரன்ஸ் வேட்டையன் கதாபாத்திரத்திலும், கங்கனா ரனாவத் சந்திரமுகி கதாபாத்திரத்திலும் நடித்துள்ளனர். இந்நிலையில் இதுகுறித்து செய்தி வெளியிட்டுள்ள நடிகை ஜோதிகா, "இந்திய சினிமாவுலகில் மிகவும் திறமையான நடிகைகளுள் ஒருவர் கங்கனா ரனாவத். இவர் சந்திரமுகி கதாபாத்திரத்தில் நடித்திருப்பது எனக்கு மிகவும் பெருமையாகவுள்ளது. இந்த படத்தில் உங்களின் நடிப்பினை காண ஆவலுடன் காத்திருக்கிறேன்" என்று புகழ்ந்துள்ளார். மேலும் அவர், "லாரன்ஸ் மாஸ்டருக்கும், பி.வாசுக்கும் மீண்டும் ஓர் மாபெரும் வெற்றி கிடைக்க என்னுடைய வாழ்த்துக்கள்" என்றும் கூறியுள்ளார். இப்படம் வரும் 15ம் தேதி தமிழ், தெலுங்கு, இந்தி, மலையாளம் உள்ளிட்ட மொழிகளில் வெளியாகவுள்ளதாக அறிவிக்கப்பட்டுள்ளது குறிப்பிடத்தக்கது.
