இரண்டு நாட்களில் ரூ.6.8 கோடி வசூல் செய்த 'ஸ்டார்' திரைப்படம்
செய்தி முன்னோட்டம்
நடிகர் கவின் நடிப்பில் கடந்த மே 10ஆம் தேதி வெளியான ஸ்டார் திரைப்படம் மக்களிடம் பெரும் வரவேற்பை பெற்று வருகிறது.
இயக்குநர் இளன் இயக்கிய இத்திரைப்படத்தில் கவின், அதிதி போஹங்கர் மற்றும் ப்ரீத்தி முகுந்தன் ஆகியோர் நடித்துள்ளனர்.
நடிகர் ஆவதற்கு ஒருவர் எவ்வளவு கஷடத்தை தாண்டி வர வேண்டி இருக்கும் என்பதை இப்படம் அழகாக எடுத்து காட்டுகிறது.
இரண்டாவது நாளில், ஸ்டார் அதன் தொடக்க நாளில் ஈட்டிய வசூலை இரட்டிப்பாக்கியுள்ளது.
இப்படம் 2வது நாளில் தோராயமாக ரூ 4 கோடி வசூல் செய்துள்ளது. எனவே, இதன் மொத்த வசூல் ரூ 6.8 கோடியாக உயர்ந்துள்ளது.
தமிழ் திரைப்படம்
ரசிகர்களின் எதிர்பார்ப்பை பூர்த்தி செய்துள்ளது 'ஸ்டார்'
இப்படத்திற்கு இளன் திரைக்கதை வசனம் எழுதி இயக்கியுள்ளார்.
லால், கீதா கைலாசம், அதிதி போஹங்கர், ப்ரீத்தி முகுந்தன் போன்ற நடிகர்கள் முக்கிய கதாபாத்திரத்தில் நடித்துள்ளனர்.
தனது இசையமைப்பால் ரசிகர்களின் மனதை ஆட்டி படைக்கும் யுவன் ஷங்கர் ராஜா, இப்படத்தின் பின்னணி இசை மற்றும் அசல் ஒலிப்பதிவுகளை அமைத்துள்ளார்.
இப்படம் நல்ல வரவேற்பை பெற்று வருவதுடன், தமிழகம் முழுவதும் உள்ள ரசிகர்களின் எதிர்பார்ப்பை பூர்த்தி செய்துள்ளது.
பலர் இப்படத்தை புகழ்ந்து வருவதால் வரும் நாட்களில் மேலும் கோடிகளில் பணத்தை ஈட்டும் என எதிர்பார்க்கப்படுகிறது.