ஏர்டெல் வாடிக்கையாளர்களுக்கு அதிரடி சலுகை: ரூ.200 OTT பேக்கில் 30GB டேட்டாவுடன் யூடியூப் பிரீமியம் இலவசம்
செய்தி முன்னோட்டம்
பாரதி ஏர்டெல் நிறுவனம் தனது ப்ரீபெய்ட் வாடிக்கையாளர்களுக்கு விளம்பரமில்லாத யூடியூப் அனுபவத்தை வழங்கும் பொருட்டு, யூடியூப் நிறுவனத்துடன் புதிய கூட்டாண்மையை அறிவித்துள்ளது. இதன்படி, ஏர்டெல் பயனர்களுக்கு ரூ.200 மதிப்பிலான ஓடிடி டாப்-அப் பேக்கில் 30 ஜிபி டேட்டாவுடன் யூடியூப் பிரீமியம் சேவை வழங்கப்படவுள்ளது. மொபைல் டேட்டா பயன்பாடு அதிகரித்து வரும் சூழலில், வாடிக்கையாளர்களின் பொழுதுபோக்குத் தேவைகளைப் பூர்த்தி செய்யும் வகையில் ஏர்டெல் இந்த சலுகையைக் கொண்டு வந்துள்ளது.
சிறப்பம்சங்கள்
ஏர்டெல் - யூடியூப் பிரீமியம் சலுகையின் சிறப்பம்சங்கள்
இந்த சலுகை மூலம் பயனர்கள் விளம்பரங்கள் இன்றி யூடியூப் மற்றும் யூடியூப் ஷார்ட்ஸ் (Shorts) வீடியோக்களைப் பார்க்கலாம்.
பின்னணி இயக்கம், இன்டர்நெட் இன்றி வீடியோக்களை பதிவிறக்கம் செய்து பார்க்கும் வசதி (Offline Downloads) மற்றும் YouTube Music Premium சேவை ஆகியவை இதில் அடங்கும்.
ரூ.200 டாப்-அப் திட்டத்தின் கீழ் 30 ஜிபி அதிவேக டேட்டாவுடன், பிரைம் வீடியோ, ஜியோஹாட்ஸ்டார், ZEE5, சோனிலிவ் உட்பட 18-க்கும் மேற்பட்ட ஓடிடி தளங்களின் அணுகலும் கிடைக்கிறது.
விவரங்கள்
இந்த சலுகையைப் பெறுவது எப்படி?
ஏற்கனவே ஏர்டெல் ப்ரீபெய்ட் ரீசார்ஜ் திட்டத்தை வைத்திருக்கும் அனைத்து வாடிக்கையாளர்களும் இந்த ரூ.200 ஓடிடி டாப்-அப் திட்டத்தை பயன்படுத்திக் கொள்ளலாம்.
ரூ.200 டாப்-அப் ரீசார்ஜ் செய்த பிறகு, Airtel Thanks செயலியைத் திறக்க வேண்டும்.
அதில் உள்ள "Rewards & OTTs" பிரிவின் மூலம் யூடியூப் பிரீமியம் சலுகையை எளிதாக ஆக்டிவேட் செய்துகொள்ளலாம்.
இந்த சலுகையின் செல்லுபடியாகும் காலம் 28 நாட்கள் ஆகும்.
தொடர்ந்து சேவையைப் பெற விரும்பும் வாடிக்கையாளர்கள் மீண்டும் டாப்-அப் செய்து புதுப்பித்துக் கொள்ளலாம்.