புதிய எரிபொருள் திறன் விதிமுறைகளால் இந்தியாவில் கார்களின் விலை உயரலாம்
இந்தியாவில் உள்ள எரிசக்தி திறன் பணியகம்(BEE) புதிய கார்ப்பரேட் சராசரி எரிபொருள் திறன்(CAFE) விதிகளை முன்மொழிந்துள்ளது. இதனால் கார்களின் விலை உயரும் என்று எதிர்பார்க்கப்படுகிறது. CAFE 3 மற்றும் CAFE 4 தரநிலைகளுக்கு இணங்க, அடுத்த மூன்று ஆண்டுகளில் கார்பன் உமிழ்வை மூன்றில் ஒரு பங்காக குறைக்க வாகன உற்பத்தியாளர்களுக்கு உத்தரவிடப்பட உள்ளது. உலக ஒத்திசைக்கப்பட்ட இலகுரக வாகனங்கள் சோதனை நடைமுறையின்(WLTP) அடிப்படையில், இந்த தரநிலைகள் முறையே 91.7g CO2/km மற்றும் 70g CO2/km என கார்பன் உமிழ்வு வரம்புகளை நிர்ணயித்து உள்ளன.
வாகன விலையை பாதிக்கும் கடுமையான தரநிலைகள்
இந்த விதிகளை அமல்படுத்தினால் கார் விலை உயரும். 2020 ஆம் ஆண்டில் இந்தியா பாரத் ஸ்டேஜ் VI உமிழ்வு விதிமுறைகளுக்கு மாறியதைத் தொடர்ந்து 30% விலை உயர்வு ஏற்பட்டது என்பது குறிப்பிடத்தக்கது. மலிவு விலையில் குறைந்த உமிழ்வு வாகனங்களை உருவாக்குவதில் உள்ள சிரமத்தை தொழில்துறை நிர்வாகி எடுத்துரைத்துள்ளனர். "கடுமையான CAFE 3 மற்றும் CAFE 4 விதிமுறைகளை பூர்த்தி செய்யும் ஒரு வாகனத்தை உருவாக்குவது மட்டும் சவாலாக இல்லை, ஆனால் அவைகளை வாங்குபவர்களுக்கு ஏற்ற வகையில் விலை நிர்ணயம் செய்வதும் சவாலாக தான் உள்ளது" என்று அவர்கள் கூறியுள்ளனர்.
