சைபர் தாக்குதலால் பாதிக்கப்பட்ட ஜாகுவார் லேண்ட் ரோவரில் உற்பத்திப் பணிகள் மீண்டும் தொடக்கம்
செய்தி முன்னோட்டம்
டாடா மோட்டார்ஸுக்குச் சொந்தமான சொகுசு கார் தயாரிப்பு நிறுவனமான ஜாகுவார் லேண்ட் ரோவர் (JLR), சைபர் தாக்குதல் காரணமாக நிறுத்தப்பட்டிருந்த அதன் உற்பத்திச் செயல்பாடுகளை வரும் நாட்களில் படிப்படியாக மீண்டும் தொடங்கவுள்ளதாக அறிவித்துள்ளது. இந்த மாதத் தொடக்கத்தில் நடந்த கடுமையான சைபர் தாக்குதலால், நிறுவனத்தின் தகவல் தொழில்நுட்ப அமைப்புகள் பாதிக்கப்பட்டதால், இங்கிலாந்து, இந்தியா, ஸ்லோவாக்கியா மற்றும் சீனா ஆகிய நாடுகளில் உள்ள அதன் ஆலைகளில் உற்பத்திப் பணிகள் உலகம் முழுவதும் ஸ்தம்பித்தன. பாதுகாப்பான மறுதொடக்கம் இருப்பதை உறுதி செய்வதற்காக, சைபர் பாதுகாப்பு நிபுணர்கள், இங்கிலாந்து அரசின் தேசிய சைபர் பாதுகாப்பு மையம் (NCSC) மற்றும் சட்ட அமலாக்க நிறுவனங்களுடன் இணைந்து JLR இரவு பகலாகச் செயல்பட்டு வருவதாகத் தெரிவித்துள்ளது.
தகவல்
நிறுவனத்தின் செய்தித் தொடர்பாளர் தகவல்
நிறுவனத்தின் செய்தித் தொடர்பாளர் ஒருவர் இதுகுறித்து கூறுகையில், "எங்களின் கட்டுப்படுத்தப்பட்ட, கட்டம் வாரியான செயல்பாடுகளின் மறுதொடக்கம் தொடர்வதால், உலகத் தரம் வாய்ந்த எங்கள் வாகனங்களின் உற்பத்தியை மீட்டெடுப்பதற்கான மேலும் பல நடவடிக்கைகளை நாங்கள் எடுத்து வருகிறோம்," என்று கூறினார். மேலும், பணியாளர்கள், சப்ளையர்கள் மற்றும் சில்லறை விற்பனையாளர்களின் பொறுமைக்காக நன்றி தெரிவித்த நிறுவனம், முன்னேற்றம் குறித்துத் தொடர்ந்து புதுப்பிப்புகளை வழங்குவதாகவும் உறுதியளித்தது. சுமார் ஒரு மாதமாக நீடித்த இந்தப் உற்பத்தி நிறுத்தமானது, JLR நிறுவனத்திற்கு ஒவ்வொரு நாளும் கோடிக்கணக்கான பவுண்டுகள் வருவாய் இழப்பை ஏற்படுத்தியதால், இது குறிப்பிடத்தக்க நிதிச் சுமையை ஏற்படுத்தியுள்ளது.