மான்ஸ்டர் பைக்கின் SP வெர்ஷனை இந்தியாவில் வெளியிட்டது டுகாட்டி.. விலை என்ன?
இத்தாலியைச் சேர்ந்த ஆட்டோமொபைல் நிறுவனமான டுகாட்டி தங்களது மான்ஸ்டர் பைக்கின் SP வெர்ஷனை இந்தியாவில் தற்போது வெளியிட்டிருக்கிறது. இந்த பைக்கை கடந்த ஆண்டே சர்வதேச சந்தையில் அந்நிறுவனம் அறிமுகப்படுத்தியது குறிப்பிடத்தக்கது. ட்ரைக்கை மையமாகக் கொண்டு அதே நேரம் சாலைகளிலும் ஓட்டக்கூடிய வகையில் இந்த SP மாடலை வெளியிட்டிருக்கிறது டுகாட்டி. ஸ்டான்டர்டான மான்ஸ்டர் மாடலில் இருந்து பல காஸ்மெடிக் மாற்றங்கள் மற்றும் மெக்கானிக்கல் அப்கிரேடுகளை இந்தப் புதிய பைக்கில் வழங்கியிருக்கிறது டுகாட்டி. 4.3 இன்ச் TFT டிஸ்பிளே, LED விளக்குகள், ட்வின்-டிப் எக்சாஸ்ட், USB சாக்கெட் மற்றும் 17-இன்ச் அலாய் வீல்கள் ஆகியவற்றைக மான்ஸ்டர் SP-யில் வழங்கியிருக்கிறது டுகாட்டி. 14 லிட்டர் ப்யூஸ் டேங்குடன், 186 எடையைக் கொண்டிருக்கிறது இந்த மான்ஸ்டர்.
இன்ஜின் மற்றும் விலை:
இந்த மான்ஸ்டர் SP-யில் 111hp பவர் மற்றும் 93Nm டார்க்கை வெளிப்படுத்தக்கூடிய V-ட்வின், லிக்விட்-கூல்டு, 937சிசி இன்ஜினைப் பெற்றிருக்கிறது மான்ஸ்டர் SP. ஸ்லிப்பர் கிளட்ச் மற்றும் க்விக்ஷிப்டருடன் கூடிய 6-ஸ்பீடு கியர்பாக்ஸை இந்த மான்ஸ்டரில் கொடுத்திருக்கிறது டுகாட்டி. பாதுகாப்பிற்காக கார்னரிங் ABS-உடன் கூடிய டிஸ்க் பிரேக்குகளை இரண்டு வீல்களிலும் கொடுத்திருக்கிறது டுகாட்டி. அதோடு, வீலி கண்ட்ரோல், ட்ராக்ஷன் கண்ட்ரோல் மற்றும் லாஞ்ச் கண்ட்ரோலும் இருக்கின்றன. ஸ்டான்டர்டான டுகாட்டி மான்ஸ்டர் பைக்கை ரூ.12.95 லட்சம் எக்ஸ்-ஷோரூம் விலையில் இந்தியாவில் விற்பனை செய்து வருகிறது டுகாட்டி. எனவே, தற்போது இந்த மான்ஸ்டர் SP வெர்ஷனை ரூ.15.95 லட்சம் எக்ஸ்-ஷோரூம் விலையில் வெளியிட்டிருக்கிறது டுகாட்டி.
