இஸ்ரேல் மீது பெரும் தாக்குதலை நடத்த ஹமாஸ் ஏன் அக்டோபர் 6ஐ தேர்வு செய்தது?
செய்தி முன்னோட்டம்
ஹமாஸ் ஏன் அக்டோபர்-6ஆம் தேதி இஸ்ரேல் மீது தாக்குதல் நடத்த தொடங்கியது என்பதை அறிய 1973ஆம் ஆண்டின் யோம் கிப்பூர் போர் குறித்து நாம் முதலில் தெரிந்துகொள்ள வேண்டும்.
1973ஆம் ஆண்டு அக்டோபர்-6ஆம் தேதி அன்று யூத மதத்தின் புனித நாளான யோம் கிப்பூர் அனுசரிக்கப்பட்ட போது தான் அரபு நாடுகளின் கூட்டணி இஸ்ரேலிய ஆக்கிரமிப்புப் பகுதிகள் மீது திடீர் தாக்குதல்களை நடத்தியது.
அப்போது ஏற்பட்ட போரை யோம் கிப்பூர் போர் என்று அழைக்கிறார்கள்.
அந்த திடீர் தாக்குதலுக்கு பிறகு, போர்க் கோடுகள் வரையப்பட்டு, அரபுக் கூட்டணிக்கு எதிராக இஸ்ரேல் தாக்குதல் நடத்தியது.
கோலன் ஹைட்ஸ், சினாய் மற்றும் இஸ்ரேலிய ஆக்கிரமிப்பின் கீழ் உள்ள பிற பகுதிகளில் இந்த சண்டைகள் நடந்தன.
எவ்ஜன்க்
50 ஆண்டுகளுக்கு பின் அதே தேதியில் போரை தொடங்கிய பாலஸ்தீனம்
அப்போதைய அமெரிக்க அதிபர் ரிச்சர்ட் நிக்சன் அணுசக்தி எச்சரிக்கையை வெளியிட்டபோது உலகளவில் பெரும் பதட்டம் நிலவியது.
அதன் பின் போர் தீவிரமடைந்ததால், பெட்ரோலிய ஏற்றுமதி நாடுகள் அமைப்பின்OPEC) அரபு உறுப்பினர்கள் இஸ்ரேலை ஆதரிக்கும் அனைத்து மேற்கத்திய நாடுகளுக்கும் எண்ணெய் விநியோகத்தை நிறுத்தினர்.
இரண்டு வாரங்களுக்கு நீடித்த இந்த போரில் 20,000 மேற்பட்டோர் உயிரிழந்தனர்.
இறுதியில், போர் தொடங்குவதற்கு முன்பு இருந்ததை விட அதிக நிலப்பரப்பை கைப்பற்றிய இஸ்ரேல், அந்த போரில் வெற்றி பெற்றது.
அந்த போர் ஆரம்பித்து சரியாக 50 ஆண்டுகள் முடிவடைந்துள்ள நிலையில், இந்த வருடம் அக்டோபர் 6ஆம் தேதி, 5000 ராக்கெட்டுகளை இஸ்ரேல் மீது ஏவி தாக்குதல் நடத்திய பலஸ்தீனப் போராளிகள், அதே தேதியில் அடுத்த ஒரு போரை தொடங்கியுள்ளனர்.