மிகப்பெரிய மின் உற்பத்தி நிலையத்தை மூடிய வங்கதேசம்
செய்தி முன்னோட்டம்
கடுமையான வெப்பம் காரணமாக இந்தியா உட்பட பல நாடுகளிலும் மின்சாரத்தின் தேவை அதிகரித்து வருகிறது. இந்நிலையில், நிலக்கரி வாங்க முடியாததால் வங்காளதேசத்தில் மிகப்பெரிய மின் உற்பத்தி நிலையம் ஒன்று மூடப்பட்டுள்ளது. வங்காளதேசத்தில் கடும் எரிபொருள் பற்றாக்குறை நிலவி வருகிறது. இந்த எரிபொருள் பற்றாக்குறையால், வங்காளதேச அரசாங்கத்தால் நடத்தப்படும் பைரா மின் உற்பத்தி நிலையம் ஏற்கனவே அதன் உற்பத்தியை மே மாதத்தில் குறைத்தது என்பது குறிப்பிடத்தக்கது. இந்நிலையில், "நிலக்கரி தட்டுப்பாடு காரணமாக, இன்று மதியம் 12.15 மணிக்கு ஆலை முழுவதுமாக நிறுத்தப்பட்டது. நிலக்கரி ஏற்றுமதி வந்ததும் மூன்று வாரங்களுக்குள் உற்பத்தி மீட்டெடுக்கப்படும் என்று நம்புகிறோம்" என ஆலையின் மேலாளர் ஷா அப்துல் மவ்லா நேற்று தெரிவித்தார்.
details
நாடு முழுவதும் ஒரு நாளைக்கு ஐந்து மணிநேரம் வரை மின்தடை செய்யப்படுகிறது
வங்காளதேசம் பணமதிப்பிழப்புக்கு எதிராக போராடி வருகிறது. அதன் அதிகாரப்பூர்வ பணவீக்க விகிதம் தற்போது சுமார் 9.9 சதவீதமாக உள்ளது. கடந்த ஆண்டு ஜனவரியில் $46 பில்லியனாக இருந்த அந்நாட்டின் அந்நிய செலாவணி இருப்பு தற்போது $30 பில்லியனாக சரிவடைந்துள்ளது. சமீபத்திய வாரங்களில் வங்காளதேசம் முழுவதும் வெப்ப அலை வீசுவதால், மின் தேவை அதிகரித்து வருகிறது. இருப்பினும், எரிபொருள் பற்றாக்குறையால், நாடு முழுவதும் ஒரு நாளைக்கு ஐந்து மணிநேரம் வரை மின்தடை செய்யப்படுகிறது. 10-15 நாட்களுக்குள் நிலைமை சீராகும் என்று அந்நாட்டின் மின்துறை அமைச்சர் நஸ்ருல் ஹமீட் நம்பிக்கை தெரிவித்துள்ளார். வங்காளதேசத்தில் நேற்று 41.1 டிகிரி செல்சியஸ்(106 டிகிரி பாரன்ஹீட்) வெப்பநிலை பதிவாகியது. இதனால், தொடக்கப் பள்ளிகள் அனைத்தும் மூடப்பட்டன.