'தோல்வி கூட நல்லதுதான்' : வெஸ்ட் இண்டீஸ் தொடரை இழந்த பிறகு ஹர்திக் பாண்டியா பேட்டி
செய்தி முன்னோட்டம்
ஞாயிற்றுக்கிழமை (ஆகஸ்ட் 13) நடந்த வெஸ்ட் இண்டீஸ் கிரிக்கெட் அணிக்கு எதிரான ஐந்தாவது டி20 கிரிக்கெட் போட்டியில் தோல்வியைத் தழுவிய நிலையில், தோற்றதும் நல்லதுதான் என இந்திய அணியின் கேப்டன் ஹர்திக் பாண்டியா தெரிவித்துள்ளார்.
முன்னதாக, இந்த போட்டியில் டாஸ் வென்று முதலில் பேட்டிங்கைத் தேர்வு செய்த இந்திய அணியில், சூர்யகுமார் யாதவ் மற்றும் திலக் வர்மாவை தவிர பேட்டிங்கில் யாரும் சிறப்பாக செயல்படவில்லை.
மேலும் பந்துவீச்சும் மிக சொதப்பலாக இருந்த நிலையில், வெஸ்ட் இண்டீஸ் அணி 8 விக்கெட் வித்தியாசத்தில் அபார வெற்றி பெற்றது.
இந்நிலையில், போட்டிக்கு பிறகு பேசிய ஹர்திக் பாண்டியா, விரும்பிய முடிவை பெறமுடியாவிட்டாலும் இந்த தொடரில் நிறைய கற்றுக்கொண்டதாகத் தெரிவித்துள்ளார்.
hardik pandya speech after india loss series
வெற்றி, தோல்வி முக்கியமில்லை : ஹர்திக் பாண்டியா
போட்டிக்கு பிறகு பேசிய இந்திய கிரிக்கெட் அணியின் கேப்டன் ஹர்திக் பாண்டியா, "இங்கே அல்லது அங்கே என ஒரு தொடர் நமக்கு முக்கியமில்லை. ஆனால் இலக்குக்கான அர்ப்பணிப்பு முக்கியமானது." என்று 2024 டி20 உலகக்கோப்பையை மனதில் வைத்து தெரிவித்தார்.
2024 ஆம் ஆண்டு டி20 உலகக் கோப்பை வெஸ்ட் இண்டீஸ் மற்றும் அமெரிக்காவில் நடக்க உள்ளது குறிப்பிடத்தக்கது.
தொடர்ந்து பேசிய பாண்டியா, "சில சமயங்களில் நாம் தோல்வியடைவது நல்லது. அப்பொழுது நாம் நிறைய கற்றுக்கொள்ளலாம்.
அனைத்து இளம் வீரர்களும் சிறப்பாக செயல்பட்டனர். வெற்றி மற்றும் தோல்வி ஒரு பகுதியாகும். செயல்முறை மற்றும் நாங்கள் அதிலிருந்து என்ன கற்றுக்கொள்கிறோம் என்பதே இதில் முக்கியமானது." என்று கூறினார்.