பிஎஸ்ஜி அணியின் நட்சத்திர வீரர் கைலியன் எம்பாப்பே காயத்தால் விலகல்!
பாரிஸ் செயின்ட்-ஜெர்மைன் (பிஎஸ்ஜி) நட்சத்திரம் கைலியன் எம்பாப்பே தனது அணியின் சாம்பியன்ஸ் லீக் கடைசி 16 முதல் லெக் டை மற்றும் பேயர்ன் முனிச்சிற்கு எதிரான கால்பந்து போட்டியிலிருந்து விலகியுள்ளார். மாண்ட்பெல்லியருக்கு எதிரான பிஎஸ்ஜியின் மோதலின் ஆரம்பத்தில் காயத்தால் ஆடுகளத்தை விட்டு வெளியேறிய எம்பாப்பே, அடுத்த மூன்று வாரங்களுக்கு சிகிச்சைக்காக அணியிலிருந்து விலகியுள்ளார். பேயர்னுக்கு எதிரான மோதலைத் தவறவிட்டதைத் தவிர, பிப்ரவரி 8 ஆம் தேதி மார்சேய்க்கு எதிரான பிரெஞ்சு கோப்பை டையையும், அதன் பிறகு மூன்று நாட்களுக்குப் பிறகு நடக்க உள்ள ஏஎஸ் மொனாக்கோவுக்கு எதிரான லீக் 1 ஆட்டத்தையும் எம்பாப்பே இழக்கிறார்.
பிஎஸ்ஜி அணிக்காக 2022-23 சீசனில் எம்பாப்பேவின் செயல்திறன்
எம்பாப்பே இந்த சீசனில் பிஎஸ்ஜிக்காக 26 போட்டிகளில் 25 கோல்களை அடித்துள்ளார். அவர் மேலும் ஆறு கோல்களுக்கு உதவியுள்ளார். அவர் சாம்பியன்ஸ் லீக் குழுநிலையில் பிஎஸ்ஜிக்காக சிறந்து விளங்கினார். இதில் ஏழு கோல்களை அடித்தார் மற்றும் மூன்று கோல்களுக்கு உதவினார். லீக் 1 இல், அவர் இதுவரை 13 கோல்கள் அடித்துள்ளதோடு, 2 கோல்களுக்கு உதவியுள்ளார். ஒட்டுமொத்தமாக, எம்பாப்பே தனது வாழ்க்கையில் பிஎஸ்ஜிக்காக 196 கோல்களை அடித்துள்ளார். இதற்கிடையே சாம்பியன்ஸ் லீக்கின் நடப்பு சீசனில் பிஎஸ்ஜி 6 ஆட்டங்களில் 14 புள்ளிகளுடன் எச் குழுவில் இரண்டாவது இடத்தைப் பிடித்துள்ளது. பிஎஸ்ஜி நான்கு போட்டிகளில் வெற்றி பெற்றதோடு, இரண்டு போட்டிகளை டிரா செய்துள்ளது.
