ஐபிஎல்லில் 600 பவுண்டரிகள் அடித்த 3வது வீரர் : விராட் கோலி புதிய சாதனை
ஐபிஎல் 2023 தொடரில் ராயல் சேலஞ்சர்ஸ் பெங்களூர் வீரர் விராட் கோலி 600 பவுண்டரிகள் எனும் மைல்கல் சாதனையை படைத்துள்ளார். வியாழன் (ஏப்ரல் 20) அன்று மொஹாலியில் பஞ்சாப் கிங்ஸுக்கு எதிரான போட்டியின்போது அவர் இந்த மைல்கல்லை எட்டினார். முன்னதாக ஏப்ரல் 11 அன்று, டெல்லி கேப்பிடல்ஸ் கேப்டன் டேவிட் வார்னர் ஐபிஎல்லில் 600 பவுண்டரிகளை பூர்த்தி செய்தார். அவர் இப்போது ஐபிஎல் வரலாற்றில் 608 பவுண்டரிகளை அடித்துள்ளார். பஞ்சாப் கிங்ஸ் கேப்டன் ஷிகர் தவான் ஐபிஎல் வரலாற்றில் 730 பவுண்டரிகளுடன் முதலிடத்தில் உள்ள நிலையில், டேவிட் வார்னர் இரண்டாவது இடத்திலும் விராட் கோலி மூன்றாவது இடத்திலும் உள்ளனர். ரோஹித் ஷர்மா மற்றும் சுரேஷ் ரைனா 4 மற்றும் ஐந்தாவது இடங்களில் உள்ளனர்.
