இங்கிலாந்துக்கு எதிரான ஒருநாள் தொடர் : வங்கதேச அணி வீரர்கள் பட்டியல் வெளியானது!
செய்தி முன்னோட்டம்
மார்ச் 1 ஆம் தேதி தொடங்கும் இங்கிலாந்துக்கு எதிரான மூன்று ஆட்டங்கள் கொண்ட ஒருநாள் தொடரின் முதல் இரண்டு போட்டிகளுக்கான பங்களாதேஷ் அணி அறிவிக்கப்பட்டுள்ளது.
இடுப்பில் ஏற்பட்ட காயத்தால் ஓய்வில் இருந்த கேப்டன் தமிம் இக்பால் மீண்டும் அணிக்கு திரும்பியுள்ளார். இவர் கடந்த ஆண்டு ஆகஸ்ட் முதல் சர்வதேச கிரிக்கெட்டில் இருந்து ஓய்வில் இருப்பது குறிப்பிடத்தக்கது.
தமீம் 15 ஆண்டுகளுக்கும் மேலாக பங்களாதேஷ் ஒருநாள் அணியின் முக்கிய அங்கமாக இருந்து வருகிறார். 2007 ஆம் ஆண்டு ஒருநாள் போட்டியில் அறிமுகமான தமிம், ஒருநாள் கிரிக்கெட்டில் அதிக ரன்கள் எடுத்த வங்கதேச வீரராக உள்ளார்.
அவர் 231 ஒருநாள் போட்டிகளில் 8,074 ரன்கள் குவித்துள்ளார். இதில் 14 சதங்கள் மற்றும் 55 அரைசதங்கள் அடங்கும்.
தமிம் இக்பால்
இங்கிலாந்து vs வங்கதேச தொடர் : முழு விபரம்
மார்ச் 1 ஆம் தேதி முதல் 14 ஆம் தேதி வரை மூன்று போட்டிகள் கொண்ட ஒருநாள் தொடரில் விளையாட இங்கிலாந்து அணி வங்கதேசத்திற்கு சுற்றுப்பயணம் செய்ய உள்ளது.
இந்நிலையில், முதல் 2 போட்டிகளுக்கான வீரர்கள் பட்டியலை வங்கதேச கிரிக்கெட் வாரியம் வெளியிட்டுள்ளது. வங்கதேச அணியின் அறிமுக வீரராக பேட்ஸ்மேன் டவ்ஹித் ஹிரிடோயும் சேர்க்கப்பட்டுள்ளார்.
அணி : தமிம் இக்பால் (கேப்டன்), லிட்டன் குமார் தாஸ், நஜ்முல் ஹொசைன் சாண்டோ, ஷாகிப் அல் ஹசன், முஷ்பிகுர் ரஹீம், அபிஃப் ஹொசைன், மஹ்முதுல்லா, மெஹிதி ஹசன் மிராஸ், முஸ்தாபிசுர் ரஹ்மான், தஸ்கின் அஹமத், ஹசன் அஹமத், எபடோட் ஹொசைன் சௌத்ரி, தைஜுல் இஸ்லாம், தௌஹித் ஹ்ரிடோய்