டிவிட்டரில் அதிக ஃபாலோயர்: ஒபாமாவை பின்னுக்குத் தள்ளிய எலான் மஸ்க்
மைக்ரோபிளாக்கிங் தளமான ட்விட்டரில் அதிக ஃபாலோயர்களை கொண்டவர்கள் யார் என்பது அவ்வப்போது கண்ணுக்கு தெரியாத அளவுக்கு ஒரு போட்டித்தன்மையை உருவாக்கி இருக்கிறது. அந்தந்த துறைகளில், மாநிலம், நாடு, உலக அளவில் என்று வெவ்வேறு விதமாக யாருக்கு அதிக எண்ணிக்கையில் ஃபாலோயர்ஸ் இருக்கிறார்கள் என்ற தகவல் அவ்வப்போது வெளியாகும். எலான் மஸ்க் டிவிட்டரைக் கைப்பற்றிய பிறகு கடந்த சில மாதங்களாக ட்விட்டர் பற்றிய அதிரடி தகவல்கள் வராத நாட்களை விரல்விட்டு எண்ணி விடலாம். இருப்பினும் அமெரிக்கா முன்னாள் ஜனாதிபதி பராக் ஓபாமா தான் உலகில் டிவிட்டரில் அதிக ஃபாலோயர்களை கொண்டிருந்தார். தற்பொழுது ஒபாமாவை பின்னுக்குத் தள்ளிவிட்டு, எலான் மஸ்க் முதலிடத்தை பெற்றுள்ளார். ஒபாமாவை விட, மஸ்க் 2500 ஃபாலோயர்களை அதிகம் பெற்று முதலிடத்தில் இருக்கிறார்.
