பிரபஞ்ச அழகி போட்டியில் கலந்துகொள்ள இனி உச்சபட்ச வயது வரம்பு இல்லை
அழகி போட்டி உலகை மாற்றும் ஒரு மிகப்பெரிய அறிவிப்பை வெளியிட்டுள்ளது, மிஸ் யூனிவெர்ஸ் குழு. இந்த போட்டியை நடத்தும் குழு சார்பாக இந்த அறிவிப்பை வெளியிட்ட தற்போதைய பிரபஞ்ச அழகி R'Bonney Gabriel, "28 வயதுக்கு மேற்பட்ட எந்தப் பெண்களும் இப்போது மிஸ் யுனிவர்ஸ் போட்டியில் பங்கேற்க முடியும்" என்று அறிவித்தார். முன்னதாக இந்த அழகிப் போட்டியில் கலந்து கொள்வதற்கான வயது வரம்பு 18 முதல் 28 வயது வரை மட்டுமே இருந்தது. நியூயார்க் பேஷன் வீக்கின் போது நடைபெற்ற ஒரு அழகு போட்டியில், R'Bonney Gabriel இதை அறிவித்தார். மிஸ் யுனிவர்ஸ் போட்டி 1952இல் தொடங்கியதில் இருந்து அதில் பங்கேற்பாளர்களின் வயது வரம்பு 18 முதல் 28 ஆண்டுகள் என வரையறுக்கபட்டிருந்தது.